Diyarname
Vê roja înê filmekî bi navê "Rojnivîska seksê ya jinekê" dikeve vîzyonê. Fîlm li her derê tê nîqaşkirin. Li Tirkiyeyê afîşê wî yê orjînal ji ber destê fotoşopkaran derbas bû.

Fîlmê spanyolî bi navê "Diario de Una Ninfómana" (Rojnivîska seksê ya jinekê) li gelek welatan bû sedema nîqaşê. Di afîşê fîlm ê orjînal de jinê destê xwe xistibû nava derpêyên xwe. Ev afîş pêşî li Spanyayê û dûre li Îtalyayê hat qedexekirin.
Fîlm vê înê li Tirkiyeyê dê bikeve vîzyonê. Ji ber van nîqaşan belavkarên fîlm ên li Tirkiyeyê afîşê duyemîn ê fîlm xwestin. Afîş hat, lê vê carê jinik devûrû çîp tazî li ser nivînan dirêjkiriye. Rayedarên şîrketên belavkar ji vê afîşê jî tirsiyan ku dê bi reaksiyonan re rû bi rû bimîne, rabûn ew jina tazî bi fotoshopê derpê lê kirin.

Derhêneriya fîlm Christian Molina kiriye û kesên wekî Belen Fabra, Leonardo Sbaraglia, Llum Barrera û Geraldine Chaplin di fîlm de lîstine.

Fîlm ji romana Valerie Tasso hatiye girtin. Tasso li ser jiyana xwe bi navê “Insatiable: The Sexual Adventures Of A French Girl In Spain” (Netêrbûn: Macerayên seksê yên keçeke fransiz ên li Spanyayê) nivîsandibû.
Tasso ku di fîrmayeke rêvebereke mezin e rojeke biryar dide ku jiyana xwe pêşkêşî seksê bike ku herî zêde ji wê zewqê digire. Li ser meraqa xwe şeş mehan wekî fahîşeyeke asta bilind dixebite. Û ew li ser vê tecrubeyê vê pirtûkê dinivîse. Nivîskara ku niha li ser seksolojiyê teza xwe amade dike xwe wekî diljêbir, azadîxwaz û hinek sermest bi nav dike.

Fîlm li ser vê jiyanê hatiye kişandin.

***

Nûçeya eleqedar:

- "Rojnivîska Seksê ya Jinekê" tê