Şirnex
Hevserokê Giştî yê BDP'ê Selahattîn Demîrtaş li Şirnexê diyar kir ku berpirsiyarê komkujiya gundê Roboskî Serokwezîr û Serfermandarê Giştî ye. Demîrtaş, anî ziman ku li dîroka Tirkiyeyê komkujiyekî din hate zêdekirin û wiha got: "Dibêjin 'Em kampên terorê hilweşandin, me bombe kirin û mirin' Qîmeta jiyana kurdan ew qas nîn e. Her kes bila vê yekê bizane û hedê xwe bizane." Hevserokê Giştî yê BDP'ê Selahattîn Demîrtaş û bi gelek kesan re hat Nexweşxaneya Dewletê ya Şirnexê, malbat û gundiyên li ber nexweşxaneyê ziyaret kirin û sersaxî li gel xwest. Demîrtaş li vir axaftinek kir û got ku berpirsiyarê komkujiyê hikumet e û wiha dom kir: "Bila tu kes, kesekî din sûcdar neke. Şev û roj dibêjin 'Dê operasyon berdevam bikin em dê tolê hilînin' Kesên van daxuyaniyan didin berprisiyarên qetilkirina 40 gundî, 40 mirov, 40 sîvîlan in. Ev bûyer ne bûyerekî ku bê veşartin e. Bûyerekî gelek bi êş e. Li dîroka komkujiyan a Tirkiyeyê komkujiyekî din hate zêdekirin. Lê bi komkujiyê naveşêrin. Ev bûyer wekî bûyera Mugla nîn e."
'Serokwezîr û Serfermendar berpirsiyarê vê komkujiyê ne'
Demîrtaş, bang li gelê kurd kir ku komkujiyê şermezar bikin û wiha dom kir: "Ev şînî ya me hemûyan e. Şîna hemû kesên xwe wekî mirov dibînin e. Serfermandariyê bi daxuyaniya xwe de sûc îtîraf kir. Fermana bombekirina hemû zindiyan hate dayîn. Serokwezîr û Serfermandar berpirsiyarê vê komkujiyê ne. Duh civîna MGK'ê hebû û berpirsiyarê vê komkujiyê ew in. Zarokê 13 salî yê ji ber siloganek avêt tê girtin. 40 welatiyên kurd hatin qetilkirin."
'Dê hesaba komkujiyê bidin'
Demîrtaş got "Dê hesaba vê komkujiyê bidin" û wiha axaftina xwe berdevam kir: "Kesên 40 gundî qetilkirin dê hesabê bidin. Baweriya me bi dadê nayê. Dadekî wisa tune ye. Dibe ku dadgehekî serbixe ava bikin. Divê saziyên navneteweyî bên lêkolînan bikin. Her kes niha hewil didin vî sûcî veşêrin. Ji bilî vê yekê tu tiştên din tune ye. Kesên sivîl hatine qetilkirin, lê ji dewletê tu deng dernakeve. Heke weletekî din ê cîhanê ba dê serokwezîr hemû hewiladan pêkanîba. Ev komkujî bi awayekî plansazî pêkhat. Bila tu kes nebêje ev yekê di encama qezayekê de pêkhatiye."
DÎHA
***
Nûçeyên eleqedar:
- Demîrtaş: Rabin bûyerê nalet bikin- Navên kesên ku hatine kuştin
- Balafiran gundî dan ber bombeyan: 35 kes kuştin