Li ser komkujiya Roboskî gelek dîtin hatin ziman. Vane çend dîtinên li ser komkujiyê:
Sirri Sureyya Onder: Ev tê wateya 'Serî hildin'
Mebûsê BDP'ê yê Stenbolê Sirri Sureyya Onder: Bûyera Qilabanê bûyera 33 Gule ya duyemîn e. Li nûnerên li meclisê ku qala pêvajo-mêvajoyan dikin nenêrin. Dibêjin tekane tiştê ku em bidin we loqmeya ji devê xelkê bigirin, bikin bombe û bi ser we de bibarînin. Tiştê ku tekane ji bo we dimîne serhildan e. Ev yek tê wateya, serî hildin.
Li Suriyê dema polîs miameleyê xirab dikin ku ev yek wekî sedema mudelexeleyê ya ji aliyê welatek din ve tê hesibandin. Lê heman feraset li vê derê bi balafirên şer zarokên xwe dikuje, komkujiyê dike. Bêyî ku şerm bikin dibêjin, 'Ew der herêma gerîla, bakurê Iraqê ye'. Li weşanên li televîzyonan binêrin, li ser tabelayan 'nizanim herêma çendan a rêyên bejayî' tê nivîsin. Gelo we li bakurê Iraqê herêma rêyên xwe yên bejayî çêkirine ku haya me jê tuneye."
KCD: Gelê kurd bi qetliyameke organizekirî re rû bi rûye
Hevserokên Kongreya Civaka Demokratîk (KCD) Ahmet Turk û Aysel Tugluk ku têkildarî komkujiyê daxuyanî dan, diyarin kirin ku gelê kurd bi komkujiyeke organizekirî re rû bi rûye. Ev ne yekem car e kurd rastî komkujiya dewletê tên. Heta niha gelek caran kurd rastî komkujiya dewletê hatine. Em dê li hemberî van komkujiyan her tim li berxwe bidin.
Kişanak: Duh Çîller, îro Erdogan
Hevseroka Giştî ya BDP'ê Gultan Kişanak: Divê hemû hemwelatiyên li Tirkiyeyê dijîn bertek nîşani vê komkujiyê bidin û komkujiyê şermezar bikin. Ev sûcê şer e. Duh Çîler û îro Erdogan sûcê şer dike. Hişmendiya Çiler û Erdogan yek e.
Kaplan: Bila Wezîrê Karên Hundir îstîfa bike
Parlementerê BDP'ê yê Şirnexê Hasîp Kaplan: Bila Wezîrê Karên Hundir îstîfa bike. Em li hemû rayedarên dewletê geriyan, lê rayedarên dewletê li hemberî vê yekê ker û kor man û berpirsiryar hikumet e.
Akat Ata: Em ê hesaba van rondikan bipirsin
Parlamentara BDP'ê ya Batmanê Ayla Akat Ata û nûnerên ÎHD'ê, li gundê Roboskî ya girêdayî navçeya Qilebana Şirnexê ku di encama bombebarana balafirên şer ên tirk de 36 gundiyan jiyana xwe ji dest daye de lêkolîn pêk anîn. Ata, gotinên berpirsyarên AKP'ê yên wekî, "Em operasyonan bi ahengsazî dimeşînin." bibîrxist û got, "Xwediyê van gotinan niha bila hesaba vê bidin. Ger hesab nedin, em wê hesaba van rondikên hatine barandin ji wan bibirsin."
Kiliçdaroglu: Em ji hikumetê li benda agahiyê ne
Serokê Giştî yê CHP'ê Kemal Kiliçdaroglu: Bûyera li Qilabana Şirnexê gelek xemgîn e. Kuştina 35 hemwelatiyên me bi vî rengî kes qebûl nake. Berpirs kî ne? Çawa çêbûye? Di vî warî de raya giştî li benda agahiyê ye. Em li bendê ne ku berdevê hikumetê daxiyanî bide.
***
Nûçeyên eleqedar:
- Selahattin Demirtaş: Komkujiyekî din li dîroka Tirkiyeyê hate zêdekirin
- Demîrtaş: Rabin bûyerê nalet bikin- Navên kesên ku hatine kuştin
- Balafiran gundî dan ber bombeyan: 35 kes kuştin