Amed
Konseya Bajêr Yerel Gundem 21 a Amedê bi yekdengî rapora xwe ku pejirand bi sernavê "Pirsgirêkên Bingehîn ên Amedê û Bihêzkirina Wê ya Navendî" pêşkêş kir. Di raporê de hate xwestin ku Sûrên Amedê bibin Mîrateya Çandî ya Cîhanê.

Di raporê de hate xwestin ku di 16 salên pêşiya me de xebatên stratejîk bêne kirin ku Sûrên Amedê bikevin nav Mîrateya Çandê ya Cîhanê. Ji bo pêşkêşkirina raporê îro li Hotela Dedemanê civîneke çapemeniyê hate li dar xistin. Rapor ji aliyê Endamê Lijneya Rêveberiyê ya Konseya Bajêr Ramiz Diken ve hate eşkerekirin.ken
Hin xalên ji raporê:
- Ji bo Sûrên Amedê bibin 'Mirateya Çandê ya Cîhanê' divê Wezareta Çand û Tûrîzmê di qada UNESCO'yê de xebatê bike.

- Divê Herêma Sanayî Organîze ya Serayê bê sazkirin ku bi germa roja yan jî enerjiya termal têde bê bikaranîn.
- Divê lez bidin sazkirina Projeya Herêma Sanayî Organîze ya Sewalvanî.
-Divê rapora ÇED'ê ya Bendava Farqînê ji aliyê saziyên serbixwe ve bê sazkirin û li gor vê yekê xebat bêne kirin.
- Ji bo texwîqkirina sewalvanî divê krediya teşwîqê bê dayîn.
- Projeya rehabîlîtekirina nava Sûrê di kurtedemê de bê sazkirin û bixine jiyanê.
- Beşa xwendina otelkarî û karî tûrîzmê ya 4 salan di Zanîngeha Dîcleyê de bê vekirin. Wezareta Tûrîzmê ji bo gihandina rêberan kursan li dar xibe.
- Divê xizmeta tenduristiyê ya parastinî di zûtirîn demê de bêne dayîn, projeyeke di bin navê Kampusa Tenduristiyê ya Amedê de bê amadekirin, razemeniyên tenduristiyê û xizmetê bê texwîqkirin.
- Ji ber girtina kargehên wekî Sumerbank, Mey Tekel, Fabrîkeyên Êm û Şîrê, Erxenî Çîmento, Saziya Goşt û Masiyan betaliyeke mezin derketiye holê. Divê hin sazî ji nû ve bêne vekirin û kar ji bo betalan bê terxankirin.
- Divê balafirgeha Amedê ji bo rêwîtiya hewayê ya navneteweyî bê vekirin.
- Divê rêya duble ya Amed-Farqînê bê çêkirin
- Rêya ketina aliyê Elezîz-Ferqaînê, Kolana Sento, Xaçereya Seyrantepe û Qantarê di zûtirîn demê de bê sazkirin.
- Divê Çemê Dîle bê îslehkirin