AMED

Şaxa ÎHD'ê ya Amedê rapora "Binpêkirina Mafên Mirovan a li ser Sînora Pêkhatin ên salên 2009-2014'an" aşkera kir û li gorî raporê di nava 5 salên dawî de li sînoran 110 hatin qetilkirin û 130 kes jî birîndar bûn.

Şaxa ÎHD'ê ya Amedê li avahiya saziyê rapora "Binpêkirina Mafên Mirovan a li ser Sînora Pêkhatin ên salên 2009-2014'an" bi civîneke çapemeniyê aşkera kir. Serokê Şaxa ÎHD'ê yê Amedê Racî Bîlîcî, Nûnerê ÎHD'ê yê herêmê Abdusselam Înceoren, rêveberên ÎHD'ê tevlî civînê bûn. Li gorî raporê di nava 5 salên dawî de li sînoran ji ber gulebaran leşker û êrîşên çeteyan 110 kesan jiyana xwe ji dest da û 130 kes jî birîndarbûn. Berî rapor bê aşkerakirin Serokê Şaxa ÎHD'ê Racî Bîlîcî metena ji bo çapemeniyê hatî amadekirin xwend û bi bîrxist ku bi ser komkujiya Roboskiyê de 3 sal derbasbûn lê hêj kiryarên komiujiyê nehatine dîtin.

'Riya aştiya civakî bi rû bi rûnê re derbas dibe'

Bîlîcî anî ziman ku dîroka Tirkiyeyê bi komkujiyan tijiye û hêj kiryarên wan komkujiyan nehatine dariznadin. Bîlîcî da zanîn ku li xetên sînor di salên dawî de gelek mirin çêbûn û ji bo lêkolîna wan bûyeran daxwazî pêşxistin û li gorî wan rapor amadekirin. Bîlîcî bilêv kir ku di bûyerên sînor de ji 3 bûyeran 2 bi mirinan bi encambûn.

‘Kuştinên li ser sînor dibin sedema zêdebûna binpêkirinên mafên jiyanê’

Bîlîcî anî ziman ku di 5 salên dawî de ji 100’î zêdetir mirovan jiyana xwe ji dest dane û dîsa bi dehan kes jî bi texrîbatên fîzîkî rû bir û mane. Bîlîcî destnîşan kir ku bi sed hezaran kurdên ku li kantonên Rojava dijîn xizmên kurdên li herêmê û Tirkiyeyê dijîn e ji ber astengiyên burokratîk û şer ji ber ku nahêlin deriyê sînor bê bikaranîn j itelên sînor welatî derbas dibin û wiha berdewam kir: “Dema derbasbûna welatiyan leşkerên nobetê digirin welatiyan hedef digirin û gulebaran dikin. Heman tişt ji bo leşkerên Îranê jî derbasdar e û divê Tirkiye ji bo ku welatiyên ji Îran, Sûriye û Iraqê derbas dibin û tên xizmên xwe dibînin qanûnan sererast bikin. Ji ber ku pirsgirêkeke navneteweyî ye jî em difikirin ku divê Neteweyên Yekbûyî jî têkîldarî mijarê xebatê bide destpêkirin.”

Daxwaz

Di dawiya daxuyaniyê de ji bo binpêkirinên li ser sînor bên sekinandin ev daxwaz hatin kirin: 

“ * Divê ji bo komkujiya Roboskê lêkolîneke berfireh bê destpêkirin û kiryar bên dîtin û derxînin bêşberî darazê û bên cezakirin.

* Divê Tirkiye ji bo qatlîamên di demên nêz de hatine kirin ronî bike û aştiya civakî pêk bîne ‘Komîsyona Lêkolînkirina Heqîqetan’ ava bike.

* Divê têkîldarî binpêkirinên mafênj iyanê y^ne li ser sînor lêkolînên berfireh bên kirin. 

* Divê ewlehiya welatiyên ku ji ber şer koçber dibin û tên xeta sînor bi cih dibin pêk bê. 

* Divê ewlehiya kesên ku ji ber şer koçber bûne û hatine welatê me pêk bê, li ser sînor neyên rawestandin û ji bo ku bikaribin derbas bibin bêşert destûr bê dayîn.”