Diyarname

Pirtûka Dîroka Şanoya Kurdî ji Weşanên Peywendê derket. Pirtûka ku ji destpêkê heta salên nodî hemû dîroka şanoya kurdî dihundirîne, ji hêla şanoger/nivîskar Çetoyê Zêdo û Yavuz Akkuzu ve hatiye amadekirin. 

Li ser şanoya kurdî heta niha gelek hindik pirtûk hatine nivîsîn. Pêdivî bi gelek pirtûkan hem ji aliyê dîrokê ve hem jî ji aliyê naveroka şanoyê ve. Niha pirtûkek di vî warî de hate amadekirin û çapkirin. Pirtûka "Dîroka Şanoya Kurdî" di vî warî de valahiyek dadigire. Dîroka Şanoya Kurdî temsîla nasnameya kurdî ya ku di hunera şanoyê de pêk hatiye dişopîne û vê dîroka ku di qonax û kelepora kurdî ya sedsala 20'an de dirûv girtiye, wekî mijar hildigire. Ev pirtûk ji çavkaniyên şanoya kurdî heta serdemên dîrokî, pêkhatina şanoya kurdî tevî hemû lîteratura wê, ango ji destpêkê heta salên 1990'î serboriya şanoya kurdî radixe ber çavan.

Di vê pirtûkê de, lêkolînên sereke yên li ser dîroka şanoya kurdî, gelek fotograf û belge cih digirin. Pirtûk ji bo şanoger û xemxurên hunera kurdî, bangî keşifkirina dîroka şanoyê dike û wêneyekî giştî nîşanî xwendevanan dike.

- Dîroka Şanoya Kurdî / Amadekar: Çetoyê Zêdo û Yavuz Akkuzu / Weşanên Peywend