ENQERE (DÎHA)
RTUK'ê 11 cezayên cuda li kanalên kurdî birî. Kanal bi tehdîda girtînê re rû bi rû ne. 

Qesr û rejîma AKP'ê pêla êrîşan a ku beriya hilbijartinên 1'ê mijdarê dabû destpêkirin piştî hilbijartinan jî zêdetir dike. Piştî ku kanalên wekî Bugun TV û Kanalturk ên aydî cemeatê hatin desteserkirin û hatin bêdengkirin vê carê jî kanalên ku bi zimanê dayikê weşanê dikin û kanalên muxalîf di hedefa AKP'ê de ne. Kanalên kurdî û yên muxalîf bi dorpêça cezayan vê tê xwestin bên bêdengkirin. 

Propagandaya DAIŞ'ê serbest e rexnekirin suc e

Lijneya Jor a Televîzyon û Radyoyê (RTUK) di nava 2 mehên dawî de ji ler weşanên muxalîf 11 cezayên cuda li kanalên bi zimanê dayikê weşanê dikin û yên muxalîf birî. Piraniya cezayên hatine dayîn bi îdiaya "Propagandaya terorê" "teşwîqkirina şîdetê" "pesindayîna terorê" hate dayîn. Nûçeyên Cizîrê, belgefîlmên howîtiya dewletê ya salên 1990'an vedibêjin, lorikên bi kurdî û ji ber qatlîamên ku DAIŞ'ê kiriye rexneyên li dewletê hatiye kirin bûn sedema cezayan. Di Ozgur Gun TV'ê de belgefîlma bi navê "Kuçuk Kara Baliklar" a hovîtiya torosên spî vedibêje ji aliyê RTUK'ê ve bi îdiaya ku "terorê dipesinîne" beriya 3 rojan ceza li televîzyonê hate birîn. Di bernameya Gundem Muzakere ya di ÎMC'ê de ji ber ku beşdaran der barê qatlîama ku li Enqereyê di 10'ê cotmehê de DAIŞ'ê pêk anî dewlet rexne kirin ji aliyê RTUK'ê ve hate cezakirin. Lê têkîldarî qatlîama Pirsûsê ya di 20'ê Tîrmehê de DAIŞ'ê pêk anî di bernameya TRT Haberê weşana ku DAIŞ'ê bi "mantiq" dibîne û êrîşên DAIŞ'ê rewa û mafdar nîşan dide jî endamên RTUK'ê yên AKP'î û MHP'î nirxandina "azadiya fikr" kirin. Dîsa di kanalên nêzîkî AKP'ê de ligel ku li dijî HDP û muxalîfan zimanê nifrînê tê bikaranîn, heqeret li hilbijêrên HDP'ê tê kirin wekî binpêkirin nehatin dîtin. 

Lîsansa televîzyonan di talukeyê de ye

Biryarên ji aliyê endamên AKP û MHP'ê yên di RTUK'ê ve hatin girtin di nava du mehên dawî de derbarê Jiyan TV 4, Ozgur Gun TV 2, Azadî Amed TV 1, ÎMC TV 3 û TV 10 de jî 1 bi giştî 11 cezayên cuda dan. Ceza ji cezayên pere û hişyariyê pêk tên. Lê cezayên li gorî madeyê 8/1-b a zagona RTUK'ê ya hejmar 6112 heya betalkirina lîsasnê diçe. Li gorî vê madeyê cezayê "gel ber bi kîn û nefretê ve dibe û weşanên wisa dike" pêk tîn. Heke televîzyonek di nava salê de 2 carana cezayê medeya (b) bigire piştî hişyariya 10 rojan careke din dubara bike dê lîsansa wê bê betalkirin. Jiyan TV û Ozgur Gun Tv ji madeya (b) careke ceza girtin. Heke careke din heman ceza bigirin dê pêvajoya lîsans bê betalkirin dest pê bike. Kanalên televîzyonên kurd bi talukeya betalkirina lîsansan dixwazin bêdeng bikin.

Temaşevanan jî ceza dikin

Endamê RTUK'ê yê HDP'î Ersîn Ongel diyar kir ku polîtîkaya çapemeniya azad a muxalîf bêdeng bike di dewreyê de ye. Ongel anî ziman ku bi cezayan mudaxeleyê li qanalên televîzyonê dikin û mudaxeleyê gel agahdariyê bigire dikin û wiha got: "Qanalên televîzyonên kurd rastiyên li herêmê, pêkanînên dijzagonî pêşkêşî gel dikin û ji ber vê yekê nerihet in. Dixwazin rastiyan veşêrin û tiştên pêk tên ji civakê û raya giştî bi veşêrin. Belefîlîmên pêkanînên Torosên Spî yên di salên 90'î de pêk anîn vedibêjin, lorîka dayîkekê, û rexeneyên li hemberî polîtîkayên dewletê di vê çarçoveyê de bi dest digirin. Ceza bi armanca sansurê pêk tên û bi armana weşangeriya azad asteng bikin e."