Diyarname

Hemşaredara Bajarê Pîle a Amedî Gultan Kişanak bajarê Rîmînî yê Îtalya de tewrî kombiyayişêke bî, bal ant serê dostanî û piştîgirotişê bajaran û waşt qeybî Sûr û Şirnexî alîkarî bêro kerdin.

Bajarê Rîmînî de serey 1980'y ra nat kombiyayişê aneyînî verazênê û bi hezaran merdim beşdarê nê kombiyayişan beno. Emsar sloganê nê kombiyayişî (miyanê 19-25'ê ene aşme de viraziya) "Qeybî min ti baş ê" bî. Hemberê 'cudawaştiş, teberkerdişî' ke dinya de hemberê çandan, şaran û baweriyan enî raver şinê kombiyayiş viraxiya û wazenê bi nê kombiyayişî dostanî, têdirbîn û xurtkerdin raver berê. 

Serokomarê Îtalya Sergio Mattarella xeberdanê destpakerdinê kombiyayişî kerd, vat ke hemberê şeran diyalog û muzakere lazimê.

Hemşaredara Amedî Kişanak kombiyayişê bi namey "Bajarê nêmirenê" de xeberî da. Xeynê ay, Şaredarê Florîda  Dario Nardella, Nûnerê Taybet ê Sûryê yê Neteweyê JobiyiNî Stefano De Mistura, Midûrê Muzeya Bardo ya Tunusî Moncef Ben Moussa jî hedrey bî.

'Şima heme rey cerebnay?

De Mistura vat ke gere Heleb û Rojhilatê Miyanîn de aştî viraziyo û ene perse min xo bi xo kerda 'Qeybî aştî to heme çî kerd?' Ez enka ene perse her kesî ra kena; qeybî aştî heme rey şima cerebnay, bi rastî şima cerebinay? Nêbî, gere şima reyna birecebnê, reyna jî.

Xebatey qeybî Kobanî û Amedî

Di Şerê Cîhanî yê Diyinan de ke Flronsa xira bîbî, şaredarê a çaxî La Pira bajar newera viraşt. 

Şaredarê FLoransa Nadlella bal ant serê La Pira û vat ke ancax merdim têdir yarmetî bikero merdim eşkena bajaran serê ningan de bigîro. Yê ana vat: "Şaredarê Kobanî jî qeybî ene rûniştine hamebî dawetkerdin la nêşka bêro. Gere ma alîkarî şaredariyanê Kobanî û Amedî bikerê û ene dostanî raver berê, go ene xebatey ma dewam bikero."

Wayirveciyayişê ro bajaran

Kişanak jî vat ke sede re bajarê Rojhilatê Minayîn, zehf bajarî bî hedefê şeran û dîrokey hezaran seran enî bajaran de hamî xirakerdiş. Kişanak serê bajaranê Şengal, Kobanî, Amed û Şirnexî de vinderte, qalê alîkariya enî bajaran a têdir kerd, serê dostanî û paştîgirotinê bajaran de vinderte. Kişanak vat ke qeynî enî bajarî bêrne viraştinî pêdivî bi alîkariyey heme bajaranê dinya esta û peynî de jî serê lîstey UNESKO de vinderte, vat ke wayîrveciyayişê Sûrî, wayirveciyayişê mîrateyê dinyawo jî.