Diyarname

Şanoya Bajêr a Amedê ne tenê bi lîstina lîstikek deriyê xwe vekir, di heman demê de mazûvanî ji bo pêşangehê jî kir.

Piştî ku kayyumê lîstikvanên Şanoya Bajarê Mezin a Amedê ji kar avêtin, şanogeran bi serê xwe gavek avêt û "Şanoya Bajêr a Amedê" vekir. Şano li Galeria vebû û lîstika xwe ya yekem "Dawiya Dawî" derxist ser dikê. Lê di heman demê de li heman cihî pêşangehek jî vebû bi navê "141".

Pêşangeh ê Zehra Dogan e. Dogan dema ji bo JINHA'yê  dixebitî, ji Nisêbînê nûçe pêşkêş dikir li Mêrdinê hat tewqîfkirin. Dogan ku berî girtinê wêne çêdikir, li girtîgehê jî xebata xwe ya çêkirina wêneyan dom kir. Û niha ew wêne di pêşangeha "141" de li Galeriaya Amedê, li cihê Şanoya Bajêr a Amedê derket pêşberî hunerhezan. Dogan ku 141 roj girtî ma, ev nav li pêşangeha xwe kiriye. Pêşangeha wê heta 1'ê adarê vekiriye.

**

Nûçeya eleqedar:

- Şanoya Bajêr a Amedê bi awayek serbixwe perde vedike