Stenbol
Serokê Giştî yê Partiya Saadetê (SP) li ser pirsgirêka kurd got: Berî her tiştî bila dewlet ji kesên ku mirovên wan winda bûne lêborênê bixwaze.

SP'e li Navenda Çanda Ali Emiri Efendî ya li Fatiha Stenbolê konferanseke bi sernavê "Ji bo aştî û biratiyê bihevrebûneke bi dilxwazî" li dar xist. Di konferansê de Serokê Giştî yê SP'ê Prof. Numan Kurtuluş axivî, li ser nîqaşa çareserkirina pirsgirêka kurd ku niha di rojevê de ye sekinî.

Vane hin not ji axaftina Kurtuluş:
- Serê pêşî pirsgirêka kurd divê bi "Reforma siyasî û hiqûqî" çareser bibe.
- Ji bo dewleteke zelal, sivîl û demokratîk pêşî divê Zanogeke Bingehîn a nû bê çêkirin.
- Di vê Zangona Bingehîn de di pênasa hemwelatî de etnîkî nîn be, bi temamî li ser hiqûqê be.
- Zagona Partiyên Siyasî û ya Hilbijartinê ji bo vîna hemû civakê bikaribe pêşkêş bike bê sazkirin.
- Piştî reformên hiqûqî ji bo ku li paşmayîna herêmê bê çareserkirin divê "Bernameya Telafî ya Civakî" bê sazkirin û bi vê meseleya aborî, mafên mirovan û azadiyan bê çareserkirin.
- Ji ber kirinên heta niha ku hatine kirin ji gelê herêmê lêborîn bê xwestin.
- Gaveke din jî divê pêşî li koçê bê girtin û yê ku koçkirine jî îmkanên vegerê ji bo wan bê dîtin.
- Pêşî divê PKK rabigihîne ku dest ji çekan berdaye.
- Ji bo muxatabî ji Ocalan wêdetir divê rêberên manewî wekî muxatab bêne dîtin.