Diyarname
Ji dinyayê sê nûçeyên ku derketin pêş me ji bo we neqandin. Fermo ew nûçe:

Trumpî 110 mîlyar dolar çek firot Siûdî
Serokdewletê Dewletên Yekbûyî yên Amerîkayê (DYA) Donald Trump çû Erebistana Siûdî û ligel Kralê Siûdî Kral Selman hevdîtin pêk anî. Trump bi 110 mîlyan dolarî şer firot Siûdî Erebistanê û Trump û Selman peyman îmze kirin.
Reutersê ragihand ku di nav peymanê de 150 helîkopterê Blackhawk ku bi buhaya 6 mîlyar dolarî ne jî hene. Qesra Spî ya DYA'yê ragihand ku di dîroka DYA'yê de ev yek ji peymanên mezin a firotina çekan e.
Jina Trump Melania Trump jî ligel wî çû Erebistanê, Melania Turmp kincek dirêj ê reş li xwe kir lê serê xwe girê neda.

Ruhanî hat hilbijartin û got; 'Îranê ji bo radîkalîzmê got na'
Di hilbijartina li Îranê ya ji bo Serokomariyê de Hasan Ruhanî ku sedî 57 deng girt careke din hat hilbijartin. Ruhanî ji bo televîzyona dewletê axivî û got: "Neteweya Îranê ji bo radîkalîzm û alîgirên şîdetê got na û rêya têkiliya ligel dinyayê hilbijartin."
Ruhanî ku bi nasnameya reformê tê nasîn ji ser twitterê re got ku gelê mezin ê Îranê yê ku bi ser ketiye hûn û û wisa got: "Hilbijartin xilas bûn. Ez serokomarê vî gelî me û pêdiviya min bi her kesê dijî min derketin, bi her îranî heye."
Bi giştî 41.2 mîlyon derg hatin dayîn. Ruhanî 23.5 mîlyon deng girtin, pitî wî Îbrahîm Reîsî 15.8 mîlyon (yanê sedî 38.5) deng girtin.
Ruhanî di sala 2013'yan de jî hatibû hilbijartin û di vê demê de bi welatên 5+1 re li ser peymana nuklerê li hev kirin çêkir û di encamê de ambargoya li ser Îranêh at rakirin, lê tê gotin ku pêşneketina aboriya Îranê, bi gotinek din  li cihê xwe jimartina aboriya Îranî wekî pirgsirêka herî mezin tê dîtin.
Li Îranê rêberê olî Ayetullah Elî Hamaney bi bandor e û tê gotin ku sînorê hêza Ruhanî bi sînorê ku Hamarey xêz kiriye bi sînor e.

Dostum reviya Tirkiyeyê
Cîgerê Serokomarê Afganistanê General Abdul Raşîd Dostum bi "reqîbê xwe yê siyasî revandiye û îşkence lê kiriye" tê sûcdar kirin. Ji ber vê yekê hikumetê der barê Dostum de lêpirsîn da dest pê kirin. Hat gotin ku Dostum ji ber vê yekê welat terk kiriye û hatiye Tirkiyeyê. Rayedarên afgan dibêjin ku Dostum roja înê welat terk kiriye.