Diyarname
Festîvala Fîlman a Navneteweyî ya Venedîkê xelata mezin Şêrê Zêrîn da fîlmê derhênerê îsraîlî yê bi navê "Lubnan".

Festîvala navdar a Venedîkê îsal 66'emîn car li dar ket. Festîval bi xelatdayînê bi dawî bû. Xelata mezin a festîvalê Şêrê Zêrîn derhênerê ji Îsraîlê Samuel Maoz bi fîlmê "Lubnan" bi dest xist. Derhêner fîlm li ser şerê sala 1982'yan kişandiye û ji bo klostrofobî û hîsa tirsê baş nîşan bide hema hema hemû li nav tangê kişandiye. Maoz piştî ku xelat girt wisa got: "Ez vî fîlmî diyarî kesên ku li hemû dinyayê piştî şeran sax mane dikim."

Derhênera îranî Şîrîn Neşat jî bi fîlmê xwe xelata Şêrê Zîvîn girt. Neşat bi bazina kesk ku li hemberî Ahmedînejad sembola piştgiriya ji bo Musevî bû derket ser dikê û got: "Ji bo hikumeta Îranê mafên mirovan, azadî û demokrasiya ku divê gel lê xwedî bide, ez lava dikim."

Xelatên din ku hatin belavkirin:
- Şêrê Zîvîn / Derhênera Herî Serketî: Şîrîn Neşat "Zanan Bedone Mardan / Women Without Men"
- Xelata Taybet a Juriyê: "Soul Kitchen" (Derhêner: Fatih Akin)
- Lîstikvanê Herî Serketî: Colin Firth “A Single Man"
- Lîstikvana Herî Serketî: Ksenia Rappoport "La doppia Ora" 
- Xelata Marcello Mastroianni ya Cîwanan: Jasmine Trinca “Il Grande Sogno”
- Senaryoya Herî Serketî: Todd Solondz "Life During Wartime"