Diyarname
Lîstikvanê Real Madrîdê Cristiano Ronaldo xelata Goga Zêrîn a 2017'an bi dest xist. Ronaldo bû 5 caran vê xelatê bi dest dixe û bi vê yekê gihîşt Messi. Messi tekane lîstikvan bû ku 5 caran ev xelat girtibû. Niha her du reqîb xwedî heman rekorê ne.
Xelata Goga Zêrîn (Ballon d'Or) yek ji xelata herî bi prestîj a cîhana fûtbolê ye. Kovara fransiz France Football vê xelatê dide. Nûçegîhanên sporê deng didin û di encamê de pêşî sê kes, herî dawî jî ji nav van kesek tê hilbijartin. Ligel Ronaldo, Messi û Neymar nabûn di nav sêyên dawî de û Ronaldo bi ser ket.
Par tîma Real Madrîdê di La Lîga de bû şampiyon; dîsa li Spanyayê Kûpaya Super a Spanyayê bi dest xist. Di qada navneteweyî de jî bû Şampiyonê Lîga Şampiyonan a UEFA'yê û her wiha Kûpaya Super a UEFA'yê bi dest xist. Di van şampiyoniyan de rola Ronaldo gelek bû.
Ronaldo di merasima xelatdayînê ya ku li Kûleya Eyfela Parîsê lidar ket de xelata xwe girt. Ronaldo di salên 2008, 2013, 2014 û 2016'an de ev xelat girtibû û îsal bû pêncemîn car digire.
France Football ji sala 1956'an ve vê xelatê dide. Di navbera  salên 1991-2009'an de France Futbooll û FIFA ji hev veqetiyabûn û France Football bi hev re ev xelat didan lê biryar dan ku bi hev re bidin. Heta 2016'an bi hev re ev xelat dan lê dîsa ji hev veqetiyan û îsal dîsa France Football tena serê xwe ev xelat da.
Di meha kewçêra îsal de FIFA'yê jî xelat dabû Ronaldo.

**

Li ser salê nûçeyên bi vî rengî:

- 2017: Time: 'Şexsiyetê/a Salê' 

- 2017: Modela herî zêde pere kar kir diyar bû 

- 2017: Li Tirkiyeyê azadiya fikir û ramanê 

- 2017: Vaye jina salê 

- 2017: Vaye lîsteya bajarên ku herî zêde/hindik pirtûkan dixwînin 

- 2017: Salnameya Putin

- 2017: Jinên stranbêj ên herî zêde pere kar dikin