Diyarname
Fûara Pirtûkan a Amedê ku ji aliyê TUYAP'ê ve îsal dê carek din bê li dar xistin amadehiya xwe didomîne. TUYAP'ê biryar da ku îsal Mêvanê Rûmetê yê Fûara Amedê Migirdîç Margosyan be.

Fûara Pirtûkan a Amedê ku carek din ji aliyê TUYAP'ê ve tê argonîzekirin îsal 6'emîn car li dar dikeve. Fûara ku îsal dê di navbera 25-30'yê rezberê de li dar bikeve dê Mêvanê Rûmetê nivîskarê ji Amedê yê bi eslê xwe ermen Migirdîç Margosyan be.
Di çarçoveya fûarê de dê panel û gotûbêj li ser Margosyan li dar bikevin û li ser jiyana wî gotûbêj bêne kirin. Her wiha TUYAP dê pirtûkek li ser jiyana wî amade bike û belav bike.
Li Amedê di sala 2015'an de TUYAP'ê biryar dabû ku dê fûarê li dar nexe. Li ser vê yekê weşanxaneyên kurdan û Şaredariya Bajarê Mezin a Amedê bi xwe fûar li dar xistibû. Lê ji ber pevçûnan ev gav hatibû sekinîn û piştî ku hikumeta Tirkiyeyê şaredarên Amedê ji kar girtibû û kamyum şandibû ser şaredariyê ev kar bi temamî sekinî bû. TUYAP îsal carek din fûarê li dar dixe û wekî  6'emîn Fûarê Pirtûkan a Amedê niha amadehî dike. Li gor plana TUYAP'ê li bendê ne ku li dor 120 weşanxane beşdarî fûarê bibin û li dor 60 jî dê çalakiyên çandî bêne li dar xistin, nivîskar pirtûkên xwe îmze bikin.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye. 

******
REKLAM

Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne.
Bi her zimanî em dikarin ji bo we vexwendnameyan amade bikin.

Navnîşan:
Yıldıztabya Alibeyköy Cad.No: 156
Alibeyköy Eyüp-İstanbul
Telefon:  0212 -6266455
info@davetiyeonline.net