Diyarname

Komeleya Lêkolînên Kurdî ji bo Cejna Zimanê Kurdî li Stenbolê şahiyek li dar xist û pêre jî bawername da yên hatine qursa zimanê kurdî.

Piştî ku bi KHK'yê (Biryarnameya di Hukmê Zagonê de) Enstîtuya Kurdî ya Stenbolê hat girtin hin kurdîhezan bi navê Komeleya Lêkolînên Kurdî saziyek vekir. Ew ji sala 2017'an ve xebata xwe ya li ser kurdî didomîne. Komele qursên zimanê kurdî jî dide.

Komeleyê ji bo Cejna Zimanê Kurdî li salona TTB'ya Stenbsolê şahiyek li dar xist. Axaftina destpêkirina şahiyê ji aliyê Hevserokê Komeleyê Sîpan Haco ve hat kirin. Haco pêşî banga piştgiriya çalakiya Leyla Guven kir, dûre li ser cejna ziman û tiştên ji bo ziman bêne kirin sekinî. Haco ji bo Cejna Zimanê Kurdî got "Ev rojek payeberz e, em jî ji bo vê li vir in û emê bal bikişînin ser ziman û çandê."

Haco diyar kir ku parastina neteweyek bi ziman mimkûn e, got ku li Başûr ne li gor dil be jî statuyek ziman heye, li Rojava hinek hewldan hatine kirin, li Rojhilat hin tişt hene lê tirsa mezin li Bakur û meteropolan e. Haco wisa got: "Divê têgihîştinek çême ku li her derê ziman bê axaftin û bikaranîn."

Dûre Serokê berê yê Enstîtuya Kurdî Samî Tan, zimanzan Zana Farqînî, mebûsê HDP'ê yê Şirnexê Hasan Ozguneş derketin ser dikê û li ser girîngiya rojê, xebatên Enstîtuyê û xebatên ziman axivîn.

Piştî axaftina sînevîzyon hat pêşkêş kirin, hin kursiyeran helbest xwendin û komeleyê bawername dan kesên hatine qursên zimanê kurdî.

Di şevê de dengbêj Sebrî Agirî û ji Koma Gulên Xerzan Çiya Şenses bi stran û muzîkê coş da mêvanan.

**

Nûçeya eleqedar:

- Çalakiyên Cejna Zimanê Kurdî diyar dibin

 ***

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan:

Yıldıztabya Alibeyköy Cad.No: 156, Alibeyköy Eyüp-İstanbul, Telefon:  0212 -6266455, info@davetiyeonline.net