DiyarName.Com

Dawiya vê hefteyê hin çalakiyên bi kurdî

Konser, lîstina şanoyê, gotûbêj û hwd. Vane li hin bajarên kurdan hin çalakiyên ku dawiya vê hefteyê dê li dar bikevin:

Diyarname

Konser, lîstina şanoyê, gotûbêj û hwd. Vane li hin bajarên kurdan hin çalakiyên ku dawiya vê hefteyê dê li dar bikevin:

- PATNOS (Agirî)

Li Patnosa Agirî lîstika şanoyê derdikeve pêşberî temaşevanan: Lîstika Navenda Çanda Mezopotamyayê ya bi navê "Tenê Ez" 29'ê mehê saet 20.00'an de li Navenda Çanda Şaredariya Patnosê tê lîstin.

- QERS

Şaredariya Qersê festîvalek bi navê "1'emîn Festîvala Çand û Xwezayê ya Serhedê" li dar dixe. Festîval di navbera 29 û 30'ê vê mehê de li dar dikeve û panel, gotûbêj, şahî, cirît û lîstikên gel hin çalakiyên festîvalê ne. Her wiha bi beşdariya hunermend Îlkay Akkaya, Seyfi Yerlikaya, Ozlem Baglayan, Kardeş Turkuler, Aşik-Dengbêj, Mehmet Atli û Dengbêj Meyman jî konserek li dar dikeve.

- BATMAN

Li Batmanê konserek û lîstikek şanoyê derdikevin pêş. 29'ê mehê saet 20:00'an de Metin-Kemal KAHRAMAN konserek pêşkêş dikin.

30'ê mehê jî lîstika Navenda Çanda Mezopotamyayê "Bêrû" saet 20'an de tê pêşkêş lîstin.

Her du çalakiyan jî Şaredariay Batmanê li Navenda Çanda Ahmet Guneştekîn li dar dixe û temaşevan her duyan jî dikarin bê pere temaşe bikin.

- STENBOL

KURTEFÎLM:

Li Stenbolê hin kurtefîlm têne nîşandayîn. 9'emîn Festîvala Kurtefîlman a Sînepark di navbera 29-30'yê mehê de li Sînemaya Kadikoy û Sînemaya Beyogluyê bi hevkariya Başka Sînema tê li darxistin. Nîşandayîna kurtefîlman bê pere ye. Li Kadikoy seansa 11.30, li Beyoglu seansa 12.00'an de têne nîşandayîn.

CAZ:

Di çarçoveya 26'emîn Festîvala Cazê ya ku ÎKSV li der dixe de li Stenbolê du konserên bê pere hene. Ji van li Beylikduzu Yaşam Vadisi konset saet 18'an de ye. Saet bi saet gelek kom beşdarî vê çalakiyê dibin.

Dîsa di vê çarçoveyê de roja 30'yê mehê jî li Fenerbahçe Parki û Fenerbahçe Khalkedonê konserên cazê hene. Konser ji saet 17.30 ve dest pê dikin û gelek kom û kes heta derengê şevê hunera xwe pêşkêş dikin. (Ji bo agahiyên zêdetir: caz.iksv.org)

TÊBINÎ: Yên bixwazin li ser çalakiyên xwe me agahdar bikin dikarin ji ser van hesaban re xwe bigihînin me:
diyarname@diyarname.com
facebook.com/diyarname/
twitter.com/diyarname1