Diyarname

Weqfa Pirtûkxaneya Vaclav Havel "Xelata Nivîskarên Dilpola yên di Bin Talûkeyê de ya 2019'an" dide nivîskar Asli Erdogan.

Weqfa Pirtûkxaneya Vaclav Havel li New Yorka Dewletên Yekbûyî yên Amerîkayê hatiye avakirin û her sal vê xelatê dide.

Xelat ji bo balê bikişînin ser mafên mirovan didin nivîskarek. Îsal Asli Erdogan ji bo xelatê guncav hatiye dîtin û roja 26'ê rezbera 2019'an dê xelat bê dayîn. Wê rojê li Bohemian National Hall a li New Yorkê dê merasimek li dar bikeve û xelat bê dayîn. Her sal kesê/a xelatgirt ji nav nivîskarên pirtûkên wan ji bo îngilîzî hatiye wergerandin tê hilbijartin. Di sala 2017'an de jî Erdogan di nav berendaman de bû, lê wê salê ji Tirkiyeyê Burhan Sonmez ev xelat girtibû. Di nav berendamên îsal de nivîskarên wekî Ahmet Altan ku niha girtiye, nivîskarê filistînî  Atef Ebu Saif ku li Gazzeyê dijî,, nivîskara ji Burundulî Ketty Nvyabandi û nivîskara ji Brezîlyayê Marcia Tiburi ku niha li Fransayê dijî hebû.
Asli Erdogan

Asli Erdogan di sala 1967'an de li Stenbolê hatiye dinê. Fîzîknas û nivîskareke tirk e. Bi taybetî di salên 90'an de bi berhemên xwe hat nasîn û ev xebata xwe pêşvetir bir. Erdogan ku salên borî di rojnameya bi tirkî ya kurdan Ozgur Yaşamê de jî quncik nivîsî rastî zordarî û dozan hat. Ew ji ber vê yekê ji Tirkiyeyê çû Ewropayê û niha li wir dijî.
Vaclav Havel
Vaclav Havel helbestvan, nivîskarê şanoyê û Serokomarê berê yê Çekyayê bû. Ew di sala 1936'an de li Praga Çekyayê hatibû dinê û di 18'ê berfanbara 2011'an de wefat kiribû.