Diyarname

Şaredariya Batmanê vê mehê 4 fîlman bêp ere pêşkêşî hezkirên sînemayê dike.

Di çarçoveya nîşandayîna fîlman de Şaredariya Batmanê 4 fîlm hilbijartine. Fîlm dê li Navenda Çanda Ahmet Guneştekîn bêne nîşandayîn.

Bername 11'ê mehê bi nîşandayîna fîlmê bi navê "Kefernahum" (Derhêner Nadin Labaki) dest pê dike. Fîlmekî Lubnan-Fransayê ye û çîroka zarokek bi navê Zaîn pêşkêş dike. Fîlm li Festîvala Cannesê hat nîşandayîn û bi 3 xelatan ji wir vegeriya.

12'yê mehê dê belgefîlmê Ardîn Dîren ê binavê "Her Mal Dibistanek" bê nîşandayîn. Belgefîlm çîroka perwerdehiya zimanê kurdî ya li Amedê dest pê kiribû pêşkêş dike.

19'ê mehê dê belgefîlmê "Aether" ê derhêner Rûken Tekeş bê nîşandayîn. Tekeş belgefîlmekî bêdiyalog li ser Heskîfê kişandiye.

Û bernameya nîşandayîna fîlman 27'ê mehê bi nîşandayîna "Guvercin Hirsizlari" bi dawî bibe. Fîlmê derhêner Osman Nail Dogan heta niha ji festîvalan bi gelek xelatan vegeriyaye. Fîlm çîroka Mehmûdê 16 salî ku kevokên teqlecî xwedî dike pêşkêş dike.