DiyarName.Com

Fermo e-romaneke nû: 'Armonîkaya Hêşîn

Nivîskarê me Cîhan Roj romaneke nû lê kir û ji bo yên bixwazin bixwînin ew niha wekî e-roman li ber destên we ye. Lîka r

Diyarname

Nivîskarê me Cîhan Roj romaneke nû lê kir û ji bo yên bixwazin bixwînin ew niha wekî e-roman li ber destên we ye. Lîka romanê li bin nûçeyê ye, yên bixwazin dikarin daxin.

Nivîskarê me Cîhan Roj heta di warê helbest, çîrok û romanê de bi ser dehî re pirtûk nivîsandine û weşandine. Roj par ji nivîsên xwe bi navê "Edebiyata Modern a Kurdî" pirtûkek amade kir û ew pirtûk me ji ser Diyarnameyê re wekî e-pirtûk weşand. Niha em romana wî ya nû jî bi vî awayî digihînin ber destên we.

Romana ku bi navê "Armonîkaya HêşîN" nivîsandiye, ji 55 rûpelên A4 pêk tê.

Mijara romanê

Di romanê de karaktera sereke Polîşan e. Polîşan ji malbateke paşazade ya kurd e ku hatîye sirgûnkirin. Malbata wê di heman demê de bi edebîyat û hunerê re eleqedar bûye. Polîşan bi kesekî tirk yê alîgirê laîkiya hişk e bi wî kesî re zewiciye, pey re dev ji hev beredane.

Fesîh Mûşî ye. Wexta wextê bavê wî Mehdî Zana weke mînak bo wî nîşan daye. Fesîh terzîtî dike. Şîret û hêviyên bavê wî di bîra wî de ne. Ew hewl dide bi xwendin, lêkolînan pêş ve biçe, vegere welatê xwe û bibe şaredar.

Polîşan bi dansê hewl dide bibe mîna Leîla Bedirxanê, Fesîh jî hewl dide bibe mîna Mehdî Zana. Wexta Fesîh diçe sahafan û tê, li wir jî tabloyên jiyana rojane ya polîtîk ya vî welatî û ya jiyana hin çepgiran ya dema me tê rojevê.

Lêgerînên Polîşan û Fesîh dewam dikin. Heya rêya Polîşanê bi Wanê dikeve. Li Wanê Polîşan rêya xwe dibîne, guherîneke mezin lê diqewime.

Cîhan Roj kî ye?

Nivîskar Cîhan Roj di sala 1965’an de li gundî Înaqa Gimgima Mûşê hatiye dinê. Dibistana seretayî û navîn li Gimgimê xwendiye. Ji sala 1993’yan ve bi nivîsa kurdî ve eleqedar e.

Roj ji sala 1993'yan heya sala 1997'an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala du hezar û yekî de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Roj ji mamostetiyê malnişîn bûye, hê li Îzmîrê dijî.

Di gelek malper, rojname û kovaran de, nivîsên wî têne weşandin. Ev demeke dirêj e di malpera "Diyarname.com" de qunciknivîskariyê dike.

Heta niha 14 pirtûkên wî çap bûne û bi romana niha re didu jî wekî e-pirtûk derketin.

Ji pirtûkên wî romana "Perde" bi navê "Mahrum" ji bo tirkî hat wergerandin û weşandin.

Heta niha ev pirtûkên Cîhan Roj hatine weşandin:

- Ratîka (Helbest), Weşanên Sî, 2002, Stenbol

- Meyman, (Çîrok), Weşanên Lîs, 2006, Amed

- Deriyê Çîrokê (Çîrok), Weşanên Do, 2008, Stenbol

- Aqil Diçe Sewda Dimîne, (Helbest), Weşanên Do, 2008, Stenbol

- Gîtara Bê Têl, (Roman), Weşanên Do, 2009, Stenbol

- Meşa Moriyan, (Roman), Weşanên Evrensel, 2011, Stenbol

- Perde, (Roman), Weşanên Na, 2012, Îzmîr

- Sehne, (Çîrok), Weşanên Yekîtiya Nivîskarên Kurd, 2013, Duhok