Diyarname

Pirtûka bi navê "Kulîlk û Şikevlatû" ya ji fablên kurdî ji aliyê Mehmet Oncu ve hatiye amadekirin û pirtûk ji Weşanên Sîtavê derketiye.

Nivîskar Mehmet Oncu di sala 1961'ê de li Semsûrê hatiye dinê. Wî Zanîngeha Anadoluyê Beşa Kargeriyê xwendiye û ji sala 1983'yan ve li ser folklora kurdî dixebite. Heta niha bi ser 10'an de pirtûkên wî derketine ku yek ji wan jî ev "Kulîlk û Şikevlatû" ye.

Li gor gotina nivîskar li derdora Şirnex, Riha, Mûş, Elezîz, Culemêrgê di 27 salan de dem bi dem geriyaye, çîrok, serpîhatî, falb û anekdotên atontîk berhev kirine lê bi taybetî di van deh salên dawî de bi rêbaza zanistî şikil daye wan. Ji van ew lêkolînên xwe hin pirtûk amade kirine ku ev pirtûka niha li ber dest jî yek ji wan e. Di pirtûkê de fablên kurdî cih girtine û di binê her fablê de jî herêm û sala berhevkirinê jî nivîsandiye.

Di pirtûka navborî ku carinan leheng bizin, carinan rovî, geh gur, geh dîk leheng e de nêzî 150 fablên cur bi cur cih girtine.

- Kulîlk û Şikevlatû / Berhevkar Mehmet Oncu / Weşanên Sîtav / 2019 / 254 rûpel

**
Not: Di van demên koronayê de ku bandor li çapkirina pirtûkên bi kurdî jî kiriye de, emê balê bikişînin ser hin pirtûkên bi kurdî ku berê derketine.