Diyarname

Piştî Îngilistan û Almanyayê li Portezîkê jî şampiyon diyar bû. Li Spanya û Tirkiye jî îhtîmal e vê hefteyê diyar bibe.

Porto bû şampiyon

Di Super Lîga Portekîzê de maçên hefteya 32'Yan hatin lîstin. Duh êvarê Portoyê Sporting Lizbon kir mêvan û bi 2-0 ew têk bir. Golên Portoyê ji aliyê Danilo Luis Helio Pereira ve di deqîqeya 64'an û gola din ji aliyê Moussa Marega ve deqe 90+3 de hat avêtin.

Porto bi vê bû 79 pûan û berî lîg bi dawî bibe bi du hefteyan bû şampiyon. Di rêza duyemîn de Benfica bi 71 pûanan cih digire.

Li Spanya Real Madrid nêzî serketinê ye

Li Spanyayê ji bo bidawîbûna lîgê re du hefte mane. Di hefteyan 36'an de li La Lîgayê Real Madridê bi 83 pûanan di rêza yekemîn de ye û Barselona bi 79 pûanan li dû wê tê. Real Madrîd îro saet 22'yan de li mala xew Vilarealê dike mêvan. Ger bi ser bikeve raste rast şampiyoniya xwe radigihîne. Ger têk here, yan jÎ wekhev bimîne encam dimîne hefteya bê, yanê hefteya dawî.

Başakşehir bi hêvî ye

Di Super Lîga Tirkiyeyê de jî du hefte mane û Başakşehîr bi 66 pûanan li pêş e. Piştî wê Trabzon Spor tê ku xwedî 62 pûanan e. Başakşehîr roja yekşemê (19'ê mehê) dê Kayseriyê bike mêvan û ger bi ser bikeve dê şampiyoniya xwe ragihîne.

Liverpool bûbû şampiyon

Di Premier Lîga Îngilistanê de Liverpool bi 93 pûanan li pêş e. Liverpoolê du hefte berê şampiyoniya xwe ragihandibû. Piştî 30 salan yekemîn car Liverpool bûbû şampiyon.

Bayer bûbû şampiyon

Di Lîga Almanyayê Bundesliga de jî Bayer Munih ji zû de şampiyoniya xwe ragihandibû. Di Bundesligayê de lîg dawiya meha çûyî bi dawî bû.

Li Îtalya Juventus dê bi ser bikeve
Li aliyê din li Îtalyayê Juventus bi 77 pûanan yekemîn e lê hê penêc hefte li wir mane. Di rêza duyemîn de Atalanta heye ku xwedî 70 pûanan e.