Nivîskar Oral Çalişlar îro (08.06.2011) di quncikê xwe yê di rojnameya Radikalê de bi sernavê "Çima ezê dengê xwe bidim Sebahatê?" eşkere kir ku ew dengê xwe dide berendama Bloka Ked Demokrasî û Azadiyê Sebahat Tuncel.

Tuncel ku hê jî mebûs e li herêma yekemîn a Stenbolê berendam e.

Çalişlar diyar dike ku ewê dengê xwe bide Sebahat Tuncel û li ser çimayê jî wisa dibêje: "Yek ji sedemên ku ezê dengê bidim Sebahatê ew ku li Tirkiyeyê pirsgirêka herî mezin pirsgirêka kurd e û bêyî tevgera siyasî ya kurd çareserkirina vê meseleyê çênabe."

Û hin xalên ji nivîsa Çalişlar
- Dengên BDP'ê li dor sedî 7 in.
- BDP divê li meclisê be. Wan hilbijartina borî de 22 mebûs bi destk xistin, vê carê digel zehmetiyan ew dikin ku zêdetir derxin. Lê mesela BDP'ê bi hejmarê nayê pîvan.
- Hema hema derdorek ku bendava sedî 7'ê rexne neke nemaye. Ligel vê, YSK'ê dema serîlêdana hin berendaman veto kir her kesî reaksiyon nîşan da.
- Sebahat hem jin e, hem kurd e, hem elewî ye.
- Hem bi nasnameyê xwe, hem bi çîroka jiyana xwe Sebahat yek ji wan kesan e dixwaze pirsgirêka kurd bi rêya demokrasî, mafên mirovan, nasname û bi diyalogê bê çareserkirin. Ew vê israra xwe didomîne û enerjiya xwe ya ecêb diparêze.
- Li gor cara din, digel pergela hevserokatiya BDP'ê jî vê carê wan hindik jin wekî berendam nîşan dan. Ji ber vê jî girîng e ku Sebahat bê hilbjartin.