Diyarname
Piştî Tirkiye derbasî pirpartîtî bû îro 17'emîn car dengdayînê dest pê kir.

Ji serê sibê de kesên dixwazin dengê xwe bidin çûn cem sindoqan û dengê xwe dan.
Li Tirkiyeyê bi giştî 50 mîlyon û 189 hezar û 930 hilbijêr hene. Ev hilbijêr li cem 199 hezar û 207 sindoqan dê dengê xwe bidin. Hejmara partiyên ku dikevin hilbijartinê 15 ye û 203 jê serbixwe bi giştî 7 hezar û 695 kes jî ji bo mebûsiyê berendam in. Ji van dê 550 kes bêne hilbijartin û herin meclisê.b

Bi giştî li bajarên kurdan, li bajarên wekî Semsûr, Agirî Artvin, Çewlig, Bedlîs, Amed, Elezîz, Erzîncan, Erzerom, Enteb, Giresun, Gumuşhane, Culemêrg, Qers, Meletî, Meraş, Mêrdîn, Mûş, Ordu, Rize, Sêrt, Sêvas, Trabzon, Dêrsim, Riha, Wan, Bayburt, Batman, Şirnex, Erdahan, Îdir û Kilis’ê saet 07'an de dest bi dengdayînê hate kirin û li van deran saet 16.00'an de dê dawî li dendayînê bê. Li bajarên din jî saet 08'an de dest pê kirin û saet 17.00'an de dê dengdayîn bi dawî bibe.

Heta saet 20.00'an de eşkerekirina encamê, yan jî texmînê qedexe ye. YSK (Lijneya Bilind a Hilbijartinê) dikare vê saetê hinek daxe. Par YSK'ê saet li dor 19'an qedexe rakir û dest bi pêşkêşkirina encaman kir.