Diyarname
Ji serê sibê ku dengdayîn dest pê kir de hin îhlal derketin holê. Vane hin îhlalên ku ji sibê de pêk hatin:

Koçalî polîs li ber sindoqê qufaltin

Hevseroka BDP'ê Filiz Koçali, Berpirsa Karên Hiqûqî ya BDP'ê Meral Daniş Beştaş û mebûsê BDP'ê yê Sêrtê Osman Ozçelik ji bo bêhiqûqiya di dema dengdayînê de pêk tê bibînin çûn Lîseya Kîptaş a Baglara Amedê. Wan agahî ji xebatkarên blokê girtin. Di vê demê de agahî ji Lîseya Birlikê hat ku di sindoqa 1267'an de îhlal hene. Koçali û Beştaş çûn wê derê û dîtin ku polîs li dibistanê, li polê rûdine. Koçalî û Beşdaş ev îhlala (polîs zêdeyî 15 metreyan nikarin nêzî sindoqan bibin) polîsan dîtin ku reaksiyon nîşan dan. Piştî nîqaşan polîs ji polê derket. Paşê ew çûn Dibistana Seretayî ya Hurriyetê û dîtin ku li wê derê jî heman tişt diqewime.

Li Perwarî û Şîrwanê îhlal

- Li navçeya Berwarî û Şîrwanê hilbijêdan di bin çavdêriya polîs û leşkeran de deng da. Li gor agahiyên ku hatin li Berwarê serleşkerê qereqolê (Qereqola gundê Ertivîn ku gundê berendamê rêza sêyemîn yê AKP'ê Bayram Kizilay e) û moxtar pêşî li gelek kesî girt ku deng bikar bînin. Hate gotin ku li dibistanekî kesek tenê 140 deng bikar anî.
Berendama serbixwe ya Sêrtê Gultan Kişanak tevî Şaredarê Sêrtê Selim Sadak li Sêrt Endustri Meslek Lisesî ku dengê xwe bikar anî got: "Ez hêvî dikim dê nelirêyek li hemberî vîna gel çênebe."

Polîs li ser sindoqan bû

Li gundê Boztepeya Sirûcê berendamê blokê Îbrahîm Bînîcî ku çû serdana sindoqan dît ku polîsek li ber sindoqê rûniştiye. Bînîcî polîs hişyar kir û ew ji salonê derxist.

Mudaxeleya muşahîdan

Li Baglara Amedê, Konya û Stenbolê jî li hemberî muşahîdên blokê mudexele çêbû.

Li Silopî kaşeya 'erê' kêm derket!

Li Silopiya Şirneşê serê sibê dest bi dengdayînê kirin. Li gor nivîsa  fermî ku ji serokê sindoqê re hatibû divê du heb kaşeyên li ser "erê" nivîsandî bihata lê kaşeyek tenê hat û ya din heta dîtin.

Li Culemêrg, Wan, Mûş û Agirî hin ecêbî!

li Gevara Culemêrgê polîsan li hin dibistanan kesên ku deng bikar dianîn dîmena wan bi kamerayê kişand.
Li Gimgima Mûşê polîsan di sindoqeqê de dengê xwe bikar anîn, Xwestin di sindoqa din de jî dengê xwe bikar bînin.  Muşahidan reaksiyon nîşan da. Komîsyona BDP'ê ya hilbijartinê çû YSK'ê û gilî kir.
Li Erdîşa Wanê jî Serokê Sindoqê amblema AKP'ê nîşanî kesên ku xwendin û nivîsandinê nizanin û got: "Hûnê mora xwe li vêderê xin.!"

Ji DÎHA'yê hatiye girtin