Diyarname

UEFA miyanê kaykerdoxanê fûtbolî ra 11'ê serkewtey ê serey 2020'inan ê mêrdan eşkera kerdî. Nizdê 11 mîlyon tenî rey day û 11'ê serkewtey hamey eşkera kerdin. Di miyanê lîste de 3 kaykerdoxî reya joyinan kewtê miyanê lîsteyke aneyîne.

Di mayê 11'inan de tîmê Almanya Bayer Munih ra 4 kaykerdoxî, tîmê Îngilistanî Liverpool ra 2 kaykerdoxî û weko bîn Barselona, Real Madrid, Manchester City, Juveentus û PSG ra jî yew kaykerdox ca giroto.

Kaykerdoxo bi name û veng Cristiano Ronaldo ke enka Juventus de kay keno kewto miyanê lîste ke bî 15 rey kuno lîste. Xalêke balkêş jî kaykerdox Tiago Alcantara yo. Ew Bayer Munih de bî, dimara şî Liverpool û bi kedey xo ya wirdî tîman de kewto lîste.

Fermo 11 serkewteyê ke uefa.comî eşkera kerdî:

- Manuel Neuer / Bayer Munih

- Joshua Kimmich / Bayer Munih

- Sergio Ramos / Real Madrid

- Virgil Van Dijk / Liverpool

- Alphonso Davies / Bayer Munih

- Thiago Alcantara / Bayer Munih/Liverpool

- Kevin De Bruyne / Manchester City

- Lionel Messi / Barselona

- Cristiano Ronaldo / Juventus

- Robert Lewandowski / Bayer Munih

- Neymar / PSG