Diyarname

Di Lîga Şampiyonan a Jinan a UEFA'yê de jinên Chelsea zora jinên Bayer Munihê birin û derketin fînalê.
Îro tîma jinên Barselonayê bi 2-1 tîma jinan a PSG'ê têk bir û derketin fînalê. Di dema ku jinên Barselonayê li benda reqîbên xwe bûn de maça tîmên jinan ên Chelsea û Bayer Munihê dest pê kiribû. Di maçê de tam 5 gol hebûn. Maça yekemîn bi 2-1 bi serketina Bayerê bi dawî bûbû. Jinên Chelsea li mala xwe tam 4 gol diyarî almanan kirin. Jinên hêşîniyan bi 4-1 maç bi dest xistin û bûn reqîbê Barselonayê. 

Piştî ku Barselonayê PSG têk bir encamek wisa derket: Ji sala 2014'an û vir ve bû yekem car di Fînala Lîga Şampiyonan a Jinan de tîmeke fransiz cih nagire.

Dema Chelseayê jî Bayer têk bir encamek wisa derket: Ji sala 2007'an û vir ve piştî Arsenalê bû duyemîn klûba jinan a îngilîz di fînalê de cih digire.

Maça fînalê roja 16'ê gulanê saet 22'yan de dê bê lîstin.

Foto ji malpera UEFA'yê hatiye girtin