Cemil OGUZ

Li aliyek Shakespeare, li aliyê din Bertol Brecht, li aliyek Muller, li aliyê din Kane. Li aliyek Thomas Mor, Agatha Cristie, li aliyê din Goethe, Stefan Zweig hebûn. 

Li aliyek Îngilistana ku dêrgûşa fûtbolê hebû ku di sala 1863'yan de zagonên modern ên fûtbolê ava kiribûn. li aliyê din Almanyaya di vî warî de xwedî sîstem hebû.

Ligel ku fûtbol bi ser navê Îngilistanê belav dibe jî heta niha tenê carek Kûpaya Cîhanê biriye mala xwe. Li aliyê din Almanyaya ku 4 caran ev kûpa biriye mala xwe hebû ku di vî warî de piştî Brezîlya (5 caran) duyemîn tîm e. 

Li aliyek Îngilistana ku qet Kûpaya Ewropayê bi dest nexistiye, li aliyê din Almanyaya ku ligel Spanyayê (3 caran) tîma herî zêde ev kûpa girtiye.

Li aliyek Îngilistana ku ev demek gelek dirêj e ligel ku tîmeke baş e jî nikare zêde bi pêş de here û vedigere mala xwe, li aliyê din Almanyaya ku her çavê wê li lûtkeyê ye.

Axir roja 29'ê mehê di tûrnûvaya Euro 2020'î de maça Dora 16'an a Îngilistan û Almanyayê hebû. Rewş ev bû. Bi vê re li ser kaxiz Almanya favorî bû, lê Îngilistana ku li welat xwedî 40 hezar hebî zêdetir klûban e û li dinyayê di vî warî de yekemîn e xwe ji bo vê tûrnûvayê tûj kiribû.

Di deqîqeyên pêşî de ji her du aliyan ve jî atak hatin. Qeleparêzan di van deqîqeyan de xwe nîşan dan. Lê her ku çû Îngilistanê zêdetir hakimbûna maçê bi dest xist. Di nîveka yekemîn de her du tîman jî nekarî gogê û torê bînin ba hev, lê di nîveka duyemîn de gol jî hebûn, maçeke xweş jî. Di deqîqeya 75'ean de Raheem Sterling temaşevananên xwe yên li Stada Wembley rakirin ser piyan: 1-0. Piştî golê Almanyayê bi Muller firsendeke baş bi dest xist lê Muller bi mîlîman gog şand derve û di deqîqeya 86'an de vê carê Harry Kane hem Almanya, hem stad, hem jî çarîk fînal hejand: 2-0.

Bi vê encamê re fûtbola alman ku bi qasî wêjeya wê serketiye nekarî bi Îngilistana ku hem bi fûtbola xwe hem bi wêjeya xwe heye. Bi vê re Almanya ji bo ku ji bo tûrnûvayeke din xwe amade bike vegeriya mal, Îngilistanê pêlekanek din li pêlekanan kir û derbasî çarîk fînalê bû. Îngilistana ku di vê tûrnûvayê de bû 4 maç (3 maçên koman û ev maça Dora 16'an) bêyî golek bixwe derbasî çarîk fînalê bû, di heman demê de bi fûtbola xwe çav berda nîv fînalê jî.

Vê êvarê piştî maça Swêd û Ûkraynayê dê reqîbê Îngilistanê diyar bibe.
***

Nivîseke din a Cemîl Oguz ya li ser Euro 2020:
- Dîkan penîr xwar, bi jehrî ketin!