Diyarname
Cîgira Hevseroka BDP'ê Meral Daniş Beştaş hejmara binçavkirin û girtina BDP'yan eşkere kir.

Berpirsa Hiqûq û Mafên Mirovan û Cîgira Hevserokên BDP'ê Meral Daniş Beştaş li ser hejmara BDP'yiyên ku ji 14'ê avrêla 2009'an ve heta niha hatine binçavkirin û girtin bi daxuyaniyeke nivîskî eşkere kir.

Li gor daxuyaniyê reqem ev in:

Ji 14.04.2009'an ve heta niha 7748 BDP'yî hatine binçavkirin.
Ji van 3895 kes hatine tewqîfkirin.

Beştaş li ser hejmara 6 mehên dawî jî wisa got:
- 4148 kes hatine binçavkirin
- 1548 kes hatine tewqîfkirin

Û li ser pênasa BDP'yiyên ku girtîne jî Beştaş ev agahî da:
- 2 Serokên Meclisa Giştî ya Bajaran û 4 Wekîlên Serokê Meclisa Giştî ya Bajaran girtî ne.
- 29 endamên Meclisa Şaredariyan Girtî ne.
- 10 Şaredar girtî ne, Şaredarek niha di bin çavan de ye.
- 8 Cîgirên Şaredar, 2 Wekîlên Şaredar, 2 Şaredarên Berê niha girtî ne.
- Di 23'yê rezberê de li Îzmîrê yek jê endamê Meclisa Partiyê, 2 jî endamê Lijneya Rêveberiya Navendî (LRN)  bi giştî 30 kes hatin girtin.

Rewşa meha dawî de:

Li Şirnexê di 22'yê rezberê de 3 Şaredar û 47 kesên din hatin girtin.

- Li Amedê di 2-3'yê kewçêrê de operasyon li dar ket. Yek Jimarkarê Giştî, 2 endamên LRN'ê, Cîgirek Şaredar, 5 endamên Rêveberiya Bajêr, Cîgirek Serokê Rêxistina Bajêr, enramek Meclisa Giştî ya Bajêr, bi giştî 31 kes hatine binçavkirin û yê di bin çavan de .e
Her wiha Şaredara Dêrikê di bin çavan de ye.

Her wiha di vê mehê de li Stenbol, Mêrsîn, Entab, Tetwanê jî bi sedan kes hatine girtin.