Diyarname

Tîma fûtbolê ya Amed Sporê îro li Akhîsar Sporê bû mêvan. Di maçê de Amed Spor bi 2-1 bi ser ket û mafê lîstina maçên play-offê bi dest xist. 

Îro di Koma Sor a Lîga 2'yemîn a TFF'ê de maçên hefteya 33'yan hatin lîstin. Amed Spor jî li Akhîsarê li deplasmanê bû. Akhîsar Spor di deqîqeya 55'an de bi gola Recep Kutun 1-0 derket pêş. Amed Sporê di deqîqeya 75'an de bi gola Kutay Yokuşlu bersiv da û di deqîqeya 90+3 Mervan Çelik gotina dawî got. Bi vê serketinê bêrî Lîg bi dawî bibe bi hefteyek Amed sporê mafê lîstina maçên play-offê bi dest xist.

Di Koma Sor a lîgê de Pendîk jixwe bûbû şampiyon û derbasî Lîga 1’emîn bûbû. Ji 2’yemîn heta 5’emînê lîghe dê maçên play-offê bilîzin. Niha Amed Sporê ef maf bi dest  xist. Di rêza duyemîn de Tarsus İdmanyurdu bi 55 pûanan e û fê jî ev maf girt. Ji bilî van 2 tîmên din dê bikaribin maçên play-offê bilîzin. Bi rêzê Karacabey Belediye, Isparta, 24Erzîncan  û Buca hene ku pûanên wan nêzî hev in. Di hefteya dawî de li gor serketinan dê her du tîmên din diyar bibin. Pêre jî dê TFF rojên lîstinên van maçan diyar bike. Ji van tîman jî piştî Pendîkê dê yeka din here Lîga 1’emîn. 

JI LÎGÊN DIN

LÎGA SUPER: Di lîgên din de jî yên bûn şampiyon û yên ketin hin ji wan diyar bîn. Di Lîga Super de di dawiya hefteya 35’an de Trabzon Spor bi 77 pûanan bû şampiyon. Berî lîg bi dawî bibe bi 3 hefteyan TS şampiyoniya xwe ragihand. Di vê lîgê de Yenî Malatya, Goztepe û Rîze ji Lîgê Ketin û sala bê dê di Lîga 1’emîn de bilîzin. Tîma dawî ya bikeve yan dê Altay be 

LÎGA 1’EMÎN: Di vê de maçên hefteya 33’yan hatin lîstin ku 3 hefte maye lîg bi dawî bibe. Di rêza yekemîn de Ankara Guce bi 67 pûanan e û Umraniye Spor bi 66 pûanan di rêza duyemîn de ye, her du tîman mafê çûyîna Lîga Super bi dest xistin. Bi rêzê Erzerom û Bandirma her yek xwedî 57 û Bandirma jî xwedî 55 pûanan e, ji nav van du tîmên din dê derkevin Lîga Super.

LÎGA 2’YEMÎN: Ji bilî Koma Sor, Koma Spî jî heye ku di vê lîgê de jî hefteya 37’an hate lîstin. Sakaryo Spor bi 84 pûanan bûye şampiyon û derbasî Lîga 1’emîn bû. Tîmên din dê play-offê bilîzin.

LÎGA 3’YEMÎN: Di lîga sêyemîn de 3 kom hene. Di Koma 1’emîn Batman Petrol Spor, di Koma 3’yemîn de Esenler Erok Spor bûn şampiyon û derbasî Lîga 2’yemîn bûn. Di Koma 2’yemîn de Duzce yekemîn û Igdir Spor jî duyemîn e û hefteya dawî dê diyar bibe kîjan bibe şampiyon.