Diyarname

Saziyeke bi navê “WEEE” heye, yanê Saziya Tiştên Elektronîk û Elektrîkî yên Têne Avêtin. Vê saziyê daxuyaniyeke belav kiriye û gotiye îsal dê 5,3 mîlyan hep telefonên destan herin ser sergoyê. Û ji van tiştên elekrotnîkî tenê sedî 17 ji bo lêvegerê têne bikaranîn.

Midûrê Giştî yê WEEE’yê Pascal Leroy wisa gotiye, “Mirov dibêjin qey ev parçeyên biçûk bêqîmet in û fêm nakin ku ev di asta gerdûnî de xwedî qîmetek mezin in.”

Li gor îstatîstîkan li dinyayê 16 mîlyar heb telefonên destan hene û li Ewropayê ji sisêyan yekê telefonên heyî nayên bikaranîn.

WEEE dibêje ku ji makîneyên cilşûştinê heta makîneyên tostê, heta tablet kompîturan tiştên têne avêtin heta sala 2030 dê bigihîjin 74 mîlyan tonî.

Royal Society of Chemistry ku li Îngilistanê kompaniyek e. Wê serê salê xebata madenkariya e-tiştên hatine avêtin da dest pê kirin, bi vê dixwaze ev tiştên elektronîkî ku têne avêtin bikevin asta lêvegerê.

Li dinyayê sedî 17’ê elektronîkên têne avêtin ketine nava lêvegerê. Yekîtiya Telekuminikasyona Navneteweyî ya Neteweyên Yekbûyî ragihad ku sala bê dixwaze vê derxe sedî 30’î.