Diyarname

Di Kûpaya Tirkiyeyê de maçên Dora 4’an hatin lîstin û tîmên bi sen ketin derbasî Dora 5’an bûn. Ji tîmên bajarên kurdan tenê Şanliurfa Spor û Gazîantep Spor bi ser ketin. Tîmên din Amed Spor, Yenî Malatya, Erzerom û Elezîl Belediye Spor têk çûn.

ŞANLIURFA Û ENTAB

Ji tîmên bajarên kurdan Şanliurfa li Denîzliyê bû. Şanliurfa Spor li hemberî Denîzliyê bi 5-0 bi ser ket. Mustafa Ethem Erboga û Bunyamin Balat her yekî du gol, û Feyyaz Belen golek avêt û tîm derbasî Dora 5’an kir.

Gazîantep Sporê jî Kutahya Spor kir mêvan û ew bi 2 golan şand mal: 2-0. Tomaz Pekhart di deqîqeya 38’an de golek avêt û tîm bi 1-0 derket pêş. Di deqîqeya 74’an de Alper Kagan Çakir gol avêt keleha xwe û maç bi vî awayî xilas bû. Entab jî derbasî Dora 5’an bû.

AMEDÊ 6 GOL XWARIN
Amed Spor ji bo maçê li Enqereyê bû û ligel Ankaragucu lîst û bi 6-2 têk çû.

Ji bilî valê Yenî Malatya li mala xwe li hemberî Utaş Uşak Sporê bi 1-0, Elezîz Belediye li Manîsayê bi 3-0 têk çû. Erzerom û Erok Spor jî li Erzeromê bi 2-2 man, bi penaltiyan Erokspor bi ser ket.

Di vê Dora 4’an de ev tîm bi ser ketin û derbasî Dora 5’an bûn:

HEMÛ TÎMÊN BI SER KETINE

Alanya, Kasimpaşa, Keçîorengucu, Giresun, Umraniye, Bolu, Bodrum, Gençlerbirligi, Manisa, Karacabey Birlik, Eyup, Samsun, Antalya, Gazîantep, Beşîktaş, Îstanbul, Goztepe, Rîze, Tuzla, Şanliurfa, Karagumruk, Kayseri.

Ji bo Dora 5’an roja 11’ê mehê dê pişke bê kişandin.