Diyarname

Di van 3 rojên dawî de li Amed, Wan, Stenbol, Batman, Riha û Londonê gelek çalakiyên çandî hene. Me ew dan hev. Kerem bikin...

AMED

KONSER: Konsera Kasim Taşdogan 28’ê mehê li Navenda Çand û Hunerê ya Dîcleyê li dar dikeve. Konser saet 18’an de li dar dikeve.

ŞANO: Li Şanoya Bajêr a Amedê dawiya hefteyê lîstika Dek û Dolabên Scapen tê lîstin. Rojên 27 û 28’ê mehê saet 19.30 de dê lîstik derkeve pêşberî temaşevanan.

*

WAN

DANASÎN-ÎMZE: Danasîn û îmzekirina pirtûkan bi beşdariya nivîskar û dengbêjek li dar dikeve. Nivîskar û wergêr Muhsîn Ozdemîr di vê çalakiyê de pirtûkên ku amade kirine û ji Weşanxaneya Sîtavê derketine îmze bike. Moderatoriya çalakiyê dê parêzer Sipan Gokhan bike. Ligel Ozdemîr, dê dengbêj Îsmaîl Seyranoglu jhi bi klamên de di çalakiyê de cih bigire.

Çalakî 29’ê mehê saet navbera 13.00-16.00’an de li dar dikeve.

ŞANO: Li Şano Wanê lîstika şanoyê ya Alan Teatre heye. Lîstina bi navê “Kûçikê Stalîn” 29’ê mehê derdikeve ser dikê.

*

STENBOL

ATOLYEYA ZAROKAN: Komeleya Lêkolînên Kurdî ji bo zarokan atolyeya dramayê saz dike. Atolye roja 28’ê mehê ye. Di çalakiya saet 12.00’an de zarokên 5-7 salî, saet 13.30 de jî zarokên 8-12 salî dikarin beşdar bibin. Komeleya Lêkolînên Kurdî li Ûnkapaniya Stenbolê ye.

SEMÎNER: Bi sernavê “Rewşa Muzîka Kurdî” li Weqfa Îsmaîl Beşîkçî semînerek li dar dikeve. Semîner di bin moderatoriya hunermend Berfîn Aktay de bi beşdariya hunermend Tara Mamedova û Alî Tekbaş dê li dar bikeve.

Çalakî 28’ê mehê saet 15’an de li Terasa Weqfê li dar dikeve.

ŞANO: ’Nîsko’ ji bo zarokan tê lîstin. Lîstika şanoyê “Nîsko” ji aliyê Teatra Sî ve hatiye amadekirin ji bo zarokan tê lîstin. Lîstika ku derhêneriya wê Rewşan Apaydin kiriye 27’ê mehê saet 16’an de li Soganli Kultur Merkezî tê lîstin.

ZAROK: Li aliyê din Şaredariya Bajarê Mezin a Stenbolê jî ji bo zarokan gelek çalakî li gelek navendên xwe amade kirine û pêşkêş dike. Di bernameyê de 67 çalakî hene, hinek jê dawiya vê hefteyê ne.

*

BATMAN

FÎLM: Li Batmanê li Yenî Sahneyê 27’ê mehê nîşandayîna fîlm heye. Fîlm saet 20.00’an de tê nîşandayîn.

*

RIHA

KONSER:Li Rihayê konsera Kasim Taşdogan heye. Taşdogan 27’ê mehê saet 19.00’an de li Salona Konferansê ya Tahir Elçî a Baroya Rihayê dê konsera xwe pêşkêş bike.

*

LONDON
KONSER: Li Londona Îngilistanên jin bi diruşma Jin, Jiyan, Azadî 29’ê mehê saet 14’an de li The Marylebona Teatra çalakiyek li dar dixe. Di çalakiyê de hunermend Tara Jaff, Suna Alan, Fra Rustomji û Fari Bradley dê derkevin ser dikê. Li aliyê din dê pêşangeha wêneyên wênesaza îranî, girtiya berê, nivîskar û aktîvist Nasrîn Parvaz jî li dar bikeve. Di çalakiya ku ji aliyê Rêxistina Zerduşt a Dinyayê ve tê organîzekirin de gelek nivîskar, aktîvist jî dê biaxivin.