Diyarname

Erdheja ku 6'ê mehê li Mereşê çêbû bandor li 11 bajaran kir yek jê jî Amed bû. Bi erdhejê re 7 avahî hilweşiyan û gelekan xisar dît. Niha ew avahiyên mayî têne qontrolkirin. Li ser vê yekê DKKDP'yê (Platforma Parastin û Piştgiriya Bajêr a Amedê) agahiyên dawî belav kirin. Platformê got ku li gor Midûriyeta Bajêr a Bajarvanî û Hawirê heta niha li sedî 96 avahiyan mêze kirine. Ji van avahiyan ev encam derketiye:

- 74 avahî bi lezgînî bêne hilweşandin

- 1737 avahî bi giranî xisar dîtine

- 1837 di asta navîn de xisar dîtine

- 20.242 hindik xisar dîtine

- 54.487 avahi bê xisar in.

- Avahiyên ku hê lê nenêrîne jî 2584 heb in.

Her çiqas platformê ev agahiyên midûriyetê belav kiribin jî li Amedê yên rexne li van agahiyan dikin jî hene. Di bin twita hatiye belavkirin de jî hatiye gotin ku hin cih wekî "xisara navîn" diyar kirine, paşê guhartine kirine "xisarek sivik".