Qamişlo

Desteya Çandê ya herêma Cizîrê 4'emîn bi diruşma "Şilta îro, dara sibê" Pêşbaziya Nivîskarên Pêşerojê li dar xist. Ev pêşbaziya ku ji sala 2000'î ve tê li dar xistin, armanc jê ew e ku zarokên nivîskar bigihînin. Pêşbaziya îsal li Parka Xwendinê ya li Qamişlo, li dar ket û zarokên ku pirtûk nivîsandibûn beşdar bûn. Ligel wan gelek zarokên din û malbatên wan jî amade bûn.

Di destpêka şahiyê de endamê komîteya amadekar a Pêşbaziya Nivîskarên Pêşerojê Ebdulmecîd Xelef axivî. Wî wisa got, "Karê me, heyata me, her tiştê me ji bo zaroka ye. Dinya me, tevgera me giş ji bo zaroka ye. Ew nifşê paşeroja me ne. Ji ber vê navê pirtûkê Stêrka Geşbîn e." 

Xelef bibîr xist ku armanca pêşbaziyê ew e ku asta xwendinê li cem zarokan bê pêşxistin, hewla wan bêditin ku di pêşerojê de bibin nivîskar.

Piştî axaftinê zarokên ku pirtûk nivîsîbûn ew îmze kirin û diyarî zarokên ku tevli şahiyê bûne kirin.