Qamişlo

Meclisa Malbatên Şehîdan a navçeya Çilaxa ya Kantona Qamişloyê dewreyeke perwerdeyê ya fêrkirina zimanên kurdî, erebî û îngilîzî ji bo zarokên şehîdan vekir. Ji 3 heta 13 salî derdora 45 zarok tev li dewreyê bûn.

Dewreya perwerdeyê li dibistana Resafa ya navçeyê hatiye vekirin û dê mehekê dewam bike.

Malbatên zarokan, endamên Meclisa Malbatên Şehîdan, endamên saziyan û meclisên sivîl di merasîma vekirina dewreya perwerdeyê de amade bûn.

Endama Meclisa Malbatên Şehîdan a Çilaxa Lîna Yûsif bixêrhatina beşdaran kir û diyar kir ku aramnca vê dewreyê ew e ku zarok fêrî zimanan bibin.

Li gorî rêveberê Meclisa Malbatên Şehîdan a Çilaxa Fayîz Îbrahîm, zarok wê li gorî temenên wan li 5 refan werin belavkirin û mamoste dê li ser pêşxistina şarezayên wan ên fêrbûna zimanan bixebitin. (ANHA)