Diyarname

Rêxistina Tenduristiyê ya Dinyayê (WHO) li ser varyanta nû ya Covid-19 hişyarî da. WHO'yê got ku îhtîmal heye talûkeyeke mezintir derkeve holê.

Covid-19 li dinyayê bû sedema mirina bi mîlyonan kesî. Niha varyanteke nû ya Covid-19 derketiye. Ev varyanta nû ku navê ERIS lê kiriye û li Îngilistan û DYA'yê hatiye dîtin bû sedema metirsiyê.

Li ser vê yekê WHO'yê daxuyanî belav kir û got ku talûyeke heye ku ev varyant bibe sedema mirinên zêdetir.

Li Îngilistanê ji her 7 nexweşiyan yek wekî Eris, li DYA'yê ji her 17 nexweşiyan yek wekî ev varyant hatine tomarkirin. Loma jî Sekreterê Giştî yê WHO'yê Tedros Adhanom Ghebreyesu daxuyaniya hişyariyê belav kiriye.

WHO'yê bi "varyanta di bin lêkolînê de" bi nav kiriye û wekî "vanyanta ku divê bê şopandin" qeyd kiriye. Loma jî dişopînin û li gor pêşketinê dê tevdîr bêne girtin.