Diyarname

Di maça yekemîn a nîv fînalê ya Tûrnûvaya Kûpaya Cîhanên ya Jinan de fînalîstê yekemîn diyar bû: Spanya.

4 tîm derketibûn nîv fînalê. Avustralya û Fransa 0-0 mabûn, bi penaltiyan Avustralya bi 7-6 bi ser ket û derket nîv fînaLê. Îngilistan ku bûbu reqîbê Kolombiyayê bi 2-1 bi ser ketibû û di nîv fînalê de bûbû reqîbê Avustralyayê.

Di maçên din de Swêdê Japonya bi 2-1 şandibû û mal û ketibû ser rêyaxwe. Û Spanyayê jî bi 2-1 berê Hollandayê dabû mal.

Tîma fûtbolê ya jinan a Spanyayê di dîroka xwe de yekemîn car bû derdiket nîv fînalê. Lê Swêd berê 3 caran derketibû nîv fînalê û sê caran jî bûbû sêyemîn.

Spanyayê dixwest dîrokek din li dîroka xwe bike û derkeve fînalê, Swêdê dixwest ev qedera ku heta sêyemînî diçe û ji wir wêdetir nadomîne biguherîne. Her du tîman jî serketin dixwest

10 DEQE TÊR KIR

Di nîveka yekemîn de tîman nekarîn bi hev. Têkoşîna wan heta 80 deqîqeyî dom kir û her tişt di 10 deqîqeyên dawî de guherî. Di deqîqeya 81'ê de ji Spanyayê Salma Celeste Paralluelo Ayingon ku niha formaya Barselonayê li xwe dike deriyê nîv fînalê ji bo Spanyayê vekir: 1-0.

Swêd ku nedixwest dest ji maçê berde deqîqeya 88'an de ji bi Rebecka Blomqvist bersiv da: 1-1.

Û di deqîqeya 89'an de Olga Carmona ku niha formaya Real Madridê li xwe li ser xêza ber kelehê xweşik lêda û encam diyar kir: 2-1

Bi vê yekê Spanya derket fînalê û li benda reqîbê xwe ye.

Maça din nîv fînalê sibê (16'ê mehê) saet 13'yan de di navbera Avustralya û Îngilistanê de dê bê lîstin. Tîma serketî dê here fÎnalê, tîma têk here dê maça sêyemînî bilîze.

Bernameya maçên din bi vî rengî ye:

- Maça sêyemînî: 19'ê mehê saet 11'an de tê lîstin.

- Maça fînalê: 20'ê mehê saet 13'yan de tê lîstin.

***

Nûçeyên Eleqedar:

- Tîmên jinan ên çarîk fînalîst diyar bûn 

- Trumpî ji ber têkçûna tîma jinan Biden sûcdar kir! 

- Jinên Zelandaya Nû dîrokek nû li dîroka xwe kirin 

- Vê carê dora Fûtbola Jinan e (Agahiyên li ser tûrnûvaya îsal)