Diyarname

Yekîtiya Niştimanî ya Kurdistanê (YNK) li bajara Silêmaniyê  bi beşdariya 600 delegeyan kongreya xwe ya 5'emîn li dar xist.

Serokomarê IRaqê latîf Reşîd serokkomarê Êraq, Serokê Herêma Kurdistana Federe Nêcîrvan Barzanî serokê Herêma Kurdistanê û gelek mêvanên din di kongreyê de amade bûn.

Serokê YNK'ê Bafil Talabanî axaftina destpêkê kir. Talabanî silav li mêvanan kir û got: “Em îro li vir in ku bi giyanê Mam Celal YNK’ê pêş bixin, YNK’ê ji bo rihê şehîdan û gelê xwe bi dest bixin, partiya xwe bikin yek û destê biratî û aştiyê dirêjî hemû aliyan bikin."

Di kongreyê de Kosret Resûl Elî û Hêro Îbrahîm Ehmed wekî sembolên bilind ên YNKê hatin binavkirin. Piştî axaftinan Bafil Talabanî bi piraniya dengan wekî Serokê YNK'ê hat hilbijartin.

Bafil Celal Talabanî kî ye?

Bi navê xwe yê dirêj Bafil Celal Hisameddîn Talebanî di sala 1973'yan de li Bexdayê hatiye dinê. Ew kurê ê Celal Talebanî ye. Talabanî zarokatî û xortaniya xwe li mala bapîrê xwe Îbraîm Ehmedî li Brîtanyayê derbas kiriye û piraniya xortaniya xwe bi xwendin û werzişê derbas kiriye.

Bafil Talabanî di sala 1996'an de beşdarî perwerdeya Korpusa Fransî, di sala 1998'an de beşdarî perwerdeya leşkerî ya Brîtanyayê û di sala 2000'î de jî beşdarî perwerdeya hêzên taybet ên Amerîkayê bû.

Talebanî stratejiya siyasî li Amerîka û Brîtanya xwendiye û piştre dezgeha dije-terorê ava kiriye û berpirsê karûbarên dije-terorê li Kurdistanê bûye. 

Di kongreya 4'emîn a YNK'ê ku roja 18'ê reşemiya 2020'î li dar ket de ligel Lahûr Şêx Cengî  wekî hevserokê YNK'ê hat hilbijartin. Par di navbera Talabanî û Şêx Cengî de pirsgirêk derketin. Bafil Talabanî bi awayekî Şêx Cengî ji postê dûr xist. Û roja 28.8.2022'yan encûmena serkirdatiyê Bafil Celal Talebanî wekî Serokê YNK'ê perwirdar kir.

Îro ew di kongreya YNK'ê de ji bo carek din wekî Serokê YNK'ê hat hilbijartin.