Diyarname

Festîvala Kurt û Kurmancî ji ber kêmbeşdariyê ji bo demek din hat taloqkirin.

Festîvala Kurt û Kurmancî par yekemîn car li dar ketibû û mijara wê kurdî bû. Festîval ji bo kurtefîlmên yek deqîqeyî bû û sê fîlmên pêşî her yek bi 500 Euroyî hatibûn xelatkirin. Festîval îsal diyarî jinan Jîna Aminî, Garibe Gezer û Evîn Goyî hatibû kirin û bi diruşma "Berxwedana Jinê" hatibû dest pê kirin. Serîlêdanên fîlman ji 4'ê gulanê heta 20'ê kewçêra îsal bû lê ji ber ku beşdarî kêm bû festîval ji bo demek din hat taloqkirin.

Komîteya amadekar a festîvalê diyar kir ku wan xwest meseleya berxwedana jinan baştir analîz bikin û ber bi pêş ve bibin lê ji ber kêmbeşdariyê lêborînê dixwazin û festîvalê ji bo demek din bi paş ve diavêjin.

***

Nûçeya Eleqedar:

- Festîvala Fîlmên Kurt û Kurmancî îsal jî li dar dikeve