Diyarname

20'emîn Pêşbaziya Helbest û Çîrokan ya Huseyîn Çelebî dest pê kir. Yên bixwazin divê heta 20'ê kewçêrê berhemên xwe bişînin.

Li nav kurdan pêşbaziya herî demdirêj pêşbaziya Yekîtiya Xwendekarên Kurdistkanê ye ku li ser navê Huseyîn Çelekî li dar dixin. Pêşbazî îsal jî dest pê kir. Pêşbazî bi du zimanan (tirkî û kurdî) ye ku di warê kurdî de bi sê zaravayan (kurmancî, kirmancî/zazakî û soranî) ye ku ev yek jî pêşbaziyê balkêştir dike. Di heman deme de li nav kurdan yekemîn pêşbazî ye ku bi sê zaravayên kurdî li dar dikeve.

Huseyîn Çelekî ku xwendekarekî jîr bû li Ewropayê û dema çû çiyê di nav têkoşînê de jiyana xwe ji dest da. Xwendekarên kurd jî ji bo bîranîna Çelebî her sal li ser navê wî pêşbazî dan dest pê kirin û ev pêşbazî her ku çû eniya wê firehtir bû. Pêşbazî îsal gihîşt sala xwe ya 20'an ku ev yek demeke dirêj nîşan dide.
Di warê çîrok û helbestan de kesên bixwazin divê berhemên xwe heta 15'ê kewçêrê bişînin ber destê amadekarên pêşbaziyê.
Kesên bi ser bikevin di 17'ê sermaweza 2012'yan de li bajarê Bochuma Almanyayê bi merasimekê xelatên xwe bigirin.

Di nav endamên juriyê yên helbeseta kurmancî de Cemîl Denlî, Dilşa Yusuf, Îrfan Amîda di nav endamên juriyê helbesta tirkî de jî Şukrüu Erbaş, Hicri Îzgoren, Halil Îbrahim Ozcan hene.
Endamên juriyê yê çîroka kurmancî ji Lokman Mahmud, Yusuf Bilgiç û Fevzi Ozmen, endam juriyê yê çîroka tirkî jî Esra Çiftçi, Ayşe Duzkan û Şehmus Diken in.
Her wiha endamên juriya beşa kirmanckî/zazakî (ji bo helbest û çîrokê) Kamer Soylemez, Mehmet Çetin û Îlhami Sertkaya, ji bo endamen juriyê beşa soranî jî (helbest û çîrok) Serkewet Resul, Awat Mihemed, Hoşeng Şêx Mihemed in.

Vane mercên pêşbaziyê:
- Zimanê tevlêbûnê kurdî (kurmancî, dimilkî, soranî) û tirkî ye.
- Divê berhem berî paşbaziyê li tu cihî nehatibin weşandin.
- Beşdar dikarin herî zêde di qada helbestan de bi 2 helbestan û di qada çîrokan de jî bi çîrokekê beşdar bibin.
- Beşdar berhemên xwe divê bi kurtejiyana xwe re herî dereng heta 15.10.2012'yan bi riya poste an jî bi riya e-emailê bigihînin destê lijneyê.

Ji bo kesên eleqedar navnîşan:

Postfach 10 10 26  
44010 Dortmund/Almanya
Email:
huseyin.celebi2012@hotmail.de
Malper:  yxkonline.de