Enqere

Mebûsa BDP'ê ya Amedê Leyla Zana duh bi Serokwezîrê Tirkiyeyê Recep Tayyip Erdogan re hevdîtineke pêk anî. Hevdîtina Zana û Erdogan saetek û 40 deqîqe dom kir. Îra Zana li ser vê hevdîtinê daxuyaniyeke da. Zana di daxuyaniya xwe de zêdetir li ser gotinên ku wê di hevdîtinê de anîne ziman sekinî. Piştî daxuyaniyê Zana nehişt rojnameger pirsan bipirsin û dawî li daxuyaniya xwe ya çapemeniyê anî.

Vane gotinên Zana:

- Ez wekî mebûsek sozên min ên ji bo gelê tirk û kurd hene. Pêşî yê kurdan wekî gel mafên wan hene.x

- Pêdiviya TirkiyeYê bi aştî û diyalogê heye.Ji bo vê yekê divê rewşek bi ewle saz bibe. Digel hewldanên rûbirûbûna tirsê, girtin û dozên ku vedibin dike ku pêdivî bi gavavêtinên biçûk na, bi gavên ji dil ên ber bi pêş ve hene. Ji bo avêtina van gavan û aştiyeke bênavber divê her kes barê bikeve ser milê xwe bîne cih. Min ev anîn ziman.

KOMKUJIYA ROBOSKÎ

- Komkujiya Roboskî, tiştên li girtîgehan dijîn û şîdeta polîsan. Ev hemû dikin ku xwîn ji birînên me yên nekewandî bê. Pêdivî pê heye ku her tiştê tê jiyîn bi awayekî eşkere bê ser ziman. Min ji Erdogan re jî got êdî ji bo gelên me gotin û soz têrê nakin.

- Dewlet divê lêborînxwestina ji gel wekî kêmasiyeke nebîne; yên ku dixwazin dewlet lêborînê bixwaze gelê wê bi xwe ye.

MESELEYA OCALAN

- Welatek ku tabûyek wekî îdamê têk biriye, dikare bi rehetî ji bo Ocalan biryara hepsa malê bigire û ev yek gaveke jiyanî ye.

- Biryara dersa hilbijêr a kurdî gaveke erênî ye lê kurd daxwaza perwedehiya bi zimanê zikmakî dikin û ev gav ji bo vê daxwazê têrê nake. Li dinyayê tu gelekî bi pereyan zimanê xwe hîn nabe û ez li ser perwerdehiya bi zimanê zikmakî sekinîm.

- Birîna me nekewiyaye û xwîn jê tê. Ji ber vê yekê daxwazên ne di cih de bin pêk nayên. Gotina 'Dest ji çekan berdin dê operasyon rawestin' ne daxwazeke rasteqîn e. Ez li ser vê yekê sekinîm. Divê pêvajoya Osloyê careke din bidome.

- Hevdîtina me di asteke nazik de derbas bû. Serokwezîr bi baldarî guh da daxwazên me.

PÊDIVIYA AŞTIYÊ

- Bila bê zanîn ku ez li gor aqil, wijdan, dil, ceribandina xwe ya polîtîk û bi pêşbîniya xwe tevgeriyam. Ji ev hevdîtin di navbera kî de pêk hat wêdetir, encamên wê girîng in. Ez dipirsim ji bo pêşiya vê pêvajoya xitimî vebe divê hê çend nifş derbas bibin? Têkoşîna ku HEP, DEP, HADEP, DEHAP, DTH, DTP, BDP û yên din dane nîşan daye ku, li ser vê axê pêdiviya her kesî bi aştiyê heye. Ji bo vê yekê ez, ew, qet ferq nake. Her kes, hem gelên Tirkiyeyê, hem kurd divê di nava pêvajoya çêbûna aştiyê de cih bigire. Ji ber ku pêdiviya aştiyê bi xebateke hevpar heye. Bi hêviya ku dê hêvî her bilind û mezin bibin.