Diyarname
Şaredariya Sûrê ya Amedê di çarçoveya şaredariya pirzimanî de li cihê ketina navçeyê tabela bi sê zimanî (tirkî, kurdî û îbranî) çikand. Her wiha şaredariyê biryar da ku esnafên tabelayên ji bilî tirkî li kargehên xwe daleqînin jî di karên girtina rusqet û tiştên din de sedî 50 hindik dê pere ji wan bigire. Wezareta Karên Hundir a Tirkiyeyê li ser van yekan lêpirsîn der barê vekir.
Şaredarê Sûrê Abdullah Demirbaş got ku li ser biryara Meclisa Şaredariyê wan ev xebat kiriye û îro belgeyên ku Mifetîşên Wezaretê ji wan xwestiye, wan daye wan.
Demirbaş wisa got: "Ji aliyekê biryara perwerdehiya hilbijêr a bi zimanê kurdî digirin, li aliyê din der barê me de lêpirsîn didin dest pêkirin. Hikumeta AKP'ê tiştê ji bo xwe serbest dike, ji bo gel qedexe dike."

Demirtaş got ku der barê kreşên bi ermenî û kurdî jî der barê me de lêpirsîn hatibû vekirin, ev lêpirsîn jî didome. Me biryar dabû ku xebatkarên ku bi kurdî û ermenî bizanin bigirin kar, li ser vê yekê jî der barê me de doz hatibû vekirin û ev doz niha li Dadgeha Asliye Cezayê didome.

Ji DÎHA'yê hatiye girtin