Îtalya ji ber sekeratê rabû!

Diyarname
Di Euro 2024 de îro dora Koma B du maçên dawî hebûn. îtalya û Hirvatistan hatin hemberî hev; ÎTalya di 90+7 de bi gola wekheviyê ji mirinê xilas bû, lê Hirvatistan şand mirinê.
SPANYA DI HER SÊ MAÇAN DE Jî BI SER KET
Îro maça Hirvatistan û ÎTalya, Spanya û Albenia hebû. Spanya di dawiya maça diduyan de xwedî 6 pûanan bû û ji komê derketibû; reqîb ALbenia xwedî pûanek bû ji xwe li hemberî Spanyayê ne favorî bû, ne jî hêvî hebû. Dîsa jî Spanyayê bi 1-0 maç bi dest xist û bi 9 pûanan derbasî Dora 16'an bû.
Di deqîqeya 13'ayn de Olmo pasek bo Ferran Tores avêt, Toress li pişt defansa Albeniayê gog bi dest xist û li pêş wî tenê eleparêz hebû, û got: 1-0. Bi vê yekê Spanya di her sê maçên xwe de jî bi ser ket û ji komê derket.
ÎTALYAN DI NEFESA DAWÎ DE HAT SER XWE
Di komê de maça din muhîm bû, ji ber ku wê tîmê wekî duyem here Dora 16'an diyar dibû.
ÎTalya xwedî 3 pûanan, Hirvatistan xwedî pûanek bû. Bo Îtalyay^ğe wekhevî têrê dikir, ji bo Hirvatan serketin têrê dikir. Hirvatan xweş lîst, xweş ber xwe jî da. Di deqîqeya 55'an de Luka Modric gola Hirvatistanê avêt û tîma xwe bi 1-0 derxist pêş. Heta 90+8 maç wisa bû û saniyeyên dawî dihatin lîstin, hema li ber bû her kes bêje Hirvatista ji komê derket, ÎTalya vegeriya mala xwe, lê na; tam vê kêliyê Mattia Zaccagni encam diyar kir: 1-1.
Bi vê Îtalya bû xwedî 6 pûanan û wekî duyemînê komê derbasî Dora 6'an bû. Hirvatistan bi 2 Pûanan ma û wê vegere mala xwe.

Not: Li Tirkiyeyê maç ji aliyê TRT 1'ê û TRT Sporê ve yekser têne belavkirin.