Diyarname
Bajarê Swansea, Kuçey Cradock de kartpostalêke resa kompanî ke. Kartpostal (name) qeybî Noelî şirawito. Kînga? 1903 de û ew name enka resa cay xwu.
Serê ene yewî de BBC xebere viraşte, xebatkarê ke enka eno name dî zehf şaş bî. Kompaniya ke enka name resay înan wazenê enî namî biresnê xizmanê wayîrê namî, loma zî torey civakî de kerdo vila.
Tenêke bi namey Ewart eno kartpostal nisto û xîtabê tenêke bi namey "L" kerdo, vato ke "cot amûrêke" (nîno famkerdişî ke qalê çî kerdo) nêrasaw ê û ana vato, "Ez zehf xemgîn a û ez hêvî kena şima keye de wextê xwu baş derbas kenê."
Ewartî ana zî vato, "Xeynê heqê trêne, nizdê 10 şîlînî perey mi estê, loma zî rewşê mi baş o."
Di kartpostalde vato, "Meke xwu vîra, Gilbert û Johnî nas bike " û vato, ew "Silamanê hezkerdişî heminan rê şiraweno."
Berpirsê Karê Bazar û Ragihandinî ê Kompaniya Swansea Building Society Henry Darby serê kartpostalî de vato, zêde çî nîno zanayişî loma vato, "Ma biryar da ke torey civakî de bikerê vila û belkî çende nifşî dimara xizmê înan bibê ke ma birestê înan."
Arşêvê West Glamorgan ra Andrew Dully serê mesela de ana vato, "Ê adresî de pîlê keyî John F. Davies bî û qîrekey Daviesî Maria û şeş tutê înan bîbî. Pîlê înan Lydia bî. Wexo eno name hamey şirawitişî ew 16 sere bî."
Rayedarê posta zî vanê ke 121 sere verî name niyamey vinîbiyayişî, la reyna kewto miyaNê sîstemî.