"3 deqe ligel Cemil Oguz": "Çîroka 30 Salan"



___Cemil Oguz___
Fîlmê derhêner Ozkan Kuçuk ê bi navê "Rojbaş" li Tirkiyeyê yekem promiyera xwe li dar xist. Ji bo temaşekirina fîlmî salon tije bû.
Di çarçoveya 14'emîn Festîvala Fîlman a Kîjan Mafên Mirovan de fîlmê derhêner Ozkan Kuçuk ê bi navê "Rojbaş" jî li Navenda Çanda Fransiz ya li Taksîma Beyogluya Stenbolê hat nîşandayîn.

JI SALÊN 90'Î HETA NIHA 'ROJBAŞ'
Di salên 90'î de lîstikvanên Teatra Jiyana Nû di bin banê Navenda Çanda Mezopotamyayê de gelek lîstikên şanoyê dilîzin. Yek ji wan jî bi navê "Rojbaş" bû. Dema lîstikê dilîzin rastî eleqeyeke baş tên, lê di heman demê de ew lîstikvan gelek caran têne binçavkirin jî. Derhêner Ozkan Kuçuk ku wê demê ciwanekî ye û ew jî ji vê listikê hez dike, di bîra wî de dimîne. Bi ser lîstikê re 25 sal derbas dibin, derhêner Ozkan Kuçuk dixwaze lîstikvanên wê demê bîne ba hev û belgefîlmekî saz bike. Ew dikeve nava meseleyê, wan tîne ba hev jî, lê êdî ew lîstikvan ne kesên salên 90'î ne. Dê çawa be? Wê bikaribin carek din lîstikê bilîzin yan na?
Kuçuk piştî demekê fikir diguherîne û formata kişandina xwe diguherîne û ji belgefîlmî vediguherîne dike fîlm. Fîlmê niha hat nîşandayîn jî encama vê yekê ye. Fîlm temaşevanan dibe wê serdemê, carinan dide kenandin, carinan xemgîn dike û di dawiyê de duh û îroyê bi hev ve girê dide. Hestê wê demê dide temaşevanên vê demê; yên vê demê dibe dike şahidê we demê.
Kuçik ji bo me got, "Min ji lîstikê gelek hez kiribû, min got ez bikişînim."

'ÇÎROKA VEGUHERİNÊ'
Li gor Kuçuk ev "Çîroka veguherînek e" û ew van gotinan lê zêde dike, "Dema tu li wan salan dinêrî gelek xemgînî heye, lê di heman demê de henek jî hene. Min got em dikarin vê yekê çawa nîşan bidin, lê wan bi xwe ev dikirin; di kêliya herî zehmet de bi henekek ji nû ve dihatin ser xwe. Karê min tenê ew bû, min ew kişandin fîlm."

WEZARETA TIRKIYEYÊ DESTÛR NEDA
Fîlm temam dibe, li hin festîvalan tê nîşandayîn, reaksiyonên erînî dibîne, ew dixwazin fîlmî derxin vîzyonê lê Wezareta Çandê ya Tirkiyeyê destûrê nade. Li ser vê yekê jî Kuçuk dibêje, "Li Tirkiyeyê ji bo festîvalan mecburiyet tune ye lê ji bo fîlm bikeve vîzyonê divê wezaret destûrê bide. Wezareta Tirkiyeyê destûr neda. Me jî doz vekir. Niha doza me didome. Ez bawerim emê destûrê bigirin û nîşan bidin. Ez bawerim wê temaşevan jî ji fîlmî hez bikin."

Ozkan Kuçuk heta niha dor 10 belgefîm û kurtefîlm kişandiye.

OZKAN KUÇUK KÎ YE?
Derhêner Ozkan Kuçuk di sala 1975'an de li Milazgîra Dêrsimê hatiye dinê. Li Stenbolê li Zanîngeha Yildiz Teknîkê xwendiye. Lîsansa xwe ya bilind li ser Radyo TV li Zanîngeha Marmarayê kiriye. Di sala 1995'an de li Navenda Çanda Mezopotamyayê dest bi xebatê kiriye. Kuçuk ku wê demê dest bi sînemayê kiriye, karê xwe yê sînemayê hê jî didomîne.
Wî heta niha dor 10 belgefîlm û kurtefîlm kişandine, "Rojbaş" fîlmê wî yê dawî ye.

**

Nûçeya Eleqedar:

- Di 'Festîvala Fîlman a Kîjan Mafên Mirovan?' de belgefîlm li benda me ne