Diyarname
Li Rojava û Sûriyeyê li aliyek hevdîtinên siyasî didomin, li aliyê din şer û pevçûn. Va ne hin agahiyên îro:

WEZÎRÊN ALMAN Û FRANSIZ LI SÛRIYEYÊ BÛN
- Wezîrê Karên Derve yê Fransayê Jean Noel Barrot û Wezîra Karên Derve ya Almanyayê Annalena Charlotte Alma Baerbock çûn Sûriyeyê. Her du wezîran êlekê çelîk li xwe li kiribûn û li Şamê daketin.
Barrot û Bearbock ligel rêberê HTŞ'ê Ahmet Şara hevdîtin kirin. Ji ber ku jin e Şara bi destê Baerbockê negirt. Di hevdîtinê de meseleya Sûriyeya nû hebû. Her du wezîran xwest ku kurd jî di vê ji nû ve sazkirinê de cih bigirin. Her du wezîran diyar kirin ku divê ewlehiya hevparên wan ên kurd bê mîsogerkirin.

Wezîra Alman Baerbock bi yêlekê çelîk lixwekirî ji balafirê daket.

WEZÎRÊ ÎSRAÎLE LIGEH EHMED AXIVÎ
Wezîrê Karên Derve yê Îsraîlê Gideon Saar ligel Hevseroka Ofîsa Karên Derve ya Bakur û Rojhilatê Sûriyeyê Îlham Ehmed bi telefonê hevdîtin pêk anî.

WEZÎRÊ FRANSIZ LIGEL EBDÎ AXIVÎ
Wezîrê Karên Derve yê Fransayê ligel Serfermandarê HSD'ê Mazlum Ebdi axivîb Hat gotin ku ligel Ebdî li ser pêşeroja kurdan û ji nû ve sazkirina Sûriyeyê axivîne. Wezîrê fransiz gotiye ku kurd hevalbendên wan in û wan ligel kurdan li hemberî terorê mil bi mil şer kiriye.

CENTCOM: EM PIŞTGIRIYA ÇARESERIYA SIYASÎ DIKIN
Serfermandariya Hêzên Navendî ya Amerîkayê (CENTCOM) li ser hesabê xwe yê tora civaki daxuyanî da, "Amerîka alîgir e ku Konseya Ewlehiyê ya Neteweyên Yekbûyî li Sûriyeyê di çarçoveya biryara 2254'an de çareseriyeke siyasî ya berfireh pêş bixe."

BALAFIRÊN TIRKIYEYÊ ÊRÎŞ KIRIN
Balafirên şer ên Tirkiyeyê F16 bi ser herêma Minbic, Teqba û Kobanî de bombe barandin. (Ev agahî êvarê lê hatiye zêdekirin)