Diyarname
Vê şefeqê Hevşaredarên Akdenîza Mêrsînê Hoşyar Sariyildiz û Nuriye Aslan hatin binçavkirin.

Ligel van endamên Meclisa Şaredariyê Ozgur Çaglar, Neslihan Oruç, Yakup Daniş û Hikmet Bakirhan jî hatine binçavkirin.

Polîsan dora şaredariyê girtiye û nahêle kes here hundir. Polîs îdîa dikin ku "bi kayûmê dest danîne ser şaredariyê". Di vî warî de hê tu agahiya fermî nîn e.

Piştî bihîstina vê agahiyê gel li ber şaredariyê civiya ye.

Parêzeran nekariye xwe bigihînin dosyayê ji ber "Biryara veşartinê heye" dosya nedane wan û li aliyê din ji bo 24 saetan biryara qedexeya hevdîtinê jî ligel binçavkiriyan heye.

Di hilbijartina 2024'an de DEM Partî bi sedî 36,92 (47 hezar û 843 deng) Şaredariya Akdenîzê bi dest xistibû. AKP'ê sedî 30,39 û CHP'ê sedî 23,50 deng girtibû.