Diyarname
Festîvala Fîlman ay Stenbolî her sere fîlmêke restore kena û mocnena ra; emsar jî fîlmê "Amansiz Yol" restore kena.
ÎKSV, Festîvala Fîlman ay Stenbolî virazena. Emsar reya 44'inan go festivale virazo. Festîvale ke her sere fîlmêke dîrokî ê tirkan restore kena û mocnena ra, emsar go fîlmê derhêner Omer Kavurî "Amansiz Yol" restore bikero û festivale de bimocno ra.
Festîvale emsar Xelata Rûmete ay Sînema dana kaykerdoxe Zuhal Olcay. Olcay, di fîlmê "Amansiz Yol" de kaykerdoxa sereke wa.
Omer Kavur û Bariş Pirhasan têdir senaryoya fîlmî nisto û Kavurî serey 1985 de fîlm anto. Înan hîkayeya Kerem Şahin'î ay bi namey "Çikmaz Yollar" ra giroto û kerdo senaryo.
Di fîlm de Kadir İnanir û Zuhal Olcay têdir kay kenê. Di fîlm de, rey, sûc û şopkerdin esto; Hasan ajokarê tire wo ke Almanya ra geyrawo a. Hezkerdiya ê a verine Sabahat û hevalê ê tûtîtî Yavuz têdir zeweciyayê. Hasan qeybî Sabahate û keynay cay Ayşe miyanê enî heyatî ra bigirî, reyna merdimê dimay înan de yê, înan ra bixelesno biryar dano înan Stenbol ra bero Mardîn. La Sabahate nêwazena, xirecirey miyanê înan zêde bena.
Fîlmê "Amansiz Yol" serey 1985'î de Xelatey Sînema ay Wezaretê Çandî, heman sere Zuhal Olcay Festîvala Porteqala Zêrîne ay Antalya de Xelata Kaykerdoxa Serkewtî girote. Reyna fîlmî serey 1986 de, Festîvaley Fîlman a Stenbolê ra Xelata Fîlmo Serkewte girot.
Festîvala Fîlman ay Stenbolî emsar miyanê rocanê 11-22'yê aşmey nîsanî de yena viraştişî.
**
Nûçeyên Eleqedar:
.jpg)
.jpg)
