Diyarname
Zanîngeha Stenbolê bi ser malpera xwe de eşkere kir ku wan diplomaya Şaredarê Bajarê Mezin ê Stenbolê Ekrem Îmamoglu betal kiriye. Niha wê çi be?
Va ne agahî:
- 35 sal berê Îmamoglu ji Zanîngeheke Kibrisê derbasî Zanîngeha Stenbolê bûbû û li wir zanîngeh temam kiribû.
- 5 sal berê jî nîqaş li ser diplomaya Îmamoglu derketibû, zanîngehê gotibû tu problem nîn e. Lê îro zanîngehê ev diploma û ligel wî ya 27 kesên din betal kir.
- Dekanê Fakulteya Îşletya ma Zanîngeha Stenbolê Ahmet Kose ev diploma erê kiribû. Ji ber zordariyên li ser wî, Kose ji dekanî îstîfa kiribû û gotibû, "Demek dirêj e ez rêveber im, westiya me û ji ber tiştên dema dawî têne jiyîn îstîfa dikim."

ÎMAMOGLU: RAYEYA WAN JI BO BIRYAREKE WISA NÎN E
- Îmamoglu piştî biryarê bi ser X'ê re wisa nivîsî, "Ev biryara Lijneya Rêveberî ya Zanîngeha Stenbolê NEHIQÛQÎ ye. Rayeyeke wan a biryardayîna rewşeke wisa nîn e. Raye di destê Lijneya Rêveberî ya Îşletme Fakûltesî ye. Yên ku ev biryar dane li ber dîrok û edaletê dê hesabê bidin, ev roj nêz e. Ewê nikaribin meşa miletê me ya ji bo edalet, hiqûq û demokrasiyê bidin rawestan din."

YAVAŞ: EZ BERENDAMTIYA XWE DIDIM RAWESTANDIN
- Şaredarê Bajarê Mezin ê Enqereyê Mansur Yavaş jî dixwest li ser navê CHP'ê bibe berendamê Serokomariya Tirkiyeyê. Yavaş piştî biryara li ser dîplomayê daxuyaniyeke nivîskî belav kir. Yavaş got, "Ezê ligel Serok Ekrem bim. Di rewşeke de, di maseya sê qorzî de min berendamtiya xwe anî bû ziman, di rewşeke wisa nehiqûqî de ez berendamtiya xwe didim rawestandin.

OZEL: EV BIRYAR QIRÊJEYEK E DI ENIYA ZANÎNGEHÊ DE
- Serokê Gşitî yê CHP'ê Ozgur Ozel got: Ji sala 1453'yan ve heta niha ev biryar wekî qirêjiyek e di eniya Zanîngeha Stenbolê de. Lê bila kes netirse. Di dawiyê de ev kareke îdarî ye û em dizain bi çi zordariyan hatiye girtin. Bêyî em bisekinin ji aliyê îdarî ve emê li mafê bigerin. Ez bawerim ev biryar dê bê betalkirin.

BAKIRHAN: BI HESABÊN SIYASÎ EV BIRYAR HATIYE GIRTIN
- Hevserokê DEM Partiyê Tuncer Bakirhan li ser meseleyê di X'ê de nivîsî: Pêşîlêgirtina berendamtiya Îmamoglu û betalkirina diplomaya wî, ne hiqûqî, di bin siya hesabên siyasî de hatiye girtin. Di zordariya darazê destdanîna ser mafên demokratik nayê qebûlkirin. Ev hewldanên pêşî li vîna gel û reqabeta siyasî digirin qirêjiya di eniya demokrasiyê de ne. Banga me ew e, dawî li mudexeleyên ku demokrasiyê dikin hedef berdin.