HEWLÊR

Azad Reşîd Hewêz bi nasnav Azadê Tinê ku bi salan e li ber Kela Hewlêrê karê wênekariyê dike, ji bo ciwanan dibêje, "Girîngî bidin kêrhatiyên xwe. Huner nebe jiyan nabe.”

Huner û karê şêwekarî yê destan li cîhanê yek ji karen herî bedew ê hunerê ye. Herêma Kurdistanê jî xwedî huner û kêrhatiyên mezin e. Xwezaya bedew ya Kurdistanê jî tim bûye mijar û babetên tabloyên hunermendan. Nimûneya vê şêwekar Azad Reşîd e ku bi Azadê Tinê tê nasîn. Ew li ber Kela Hewlêrê karê şêwekariyê dike.

JI 1984'AN VE VÎ KARÎ DIKE
Şêwekar Azad Reşîd karê wî li ser kaxezê bi rengên reş û spî ye. Azad Reşîd şêwekareke yê bajarê Hewlêre ye û sala 1984’an ve vî karî dike. Rojane li derdorê Kela Hewlêrê rûdine, wêneyên welatiyan li ser rûpelê spî xêz dike. 
Şêwekar Azad Reşîd vê dibêje; “Bedewiya xwezayê wisa li min kiriye ku dest bi karê şêwekariyê bikim. Rojane keç û xortên bajar serdana min dikin, ez jî ji bo wan dibim alîkar ji bo fêrî karê hunerê bibin.”

'BI KIŞANDINA XETAN DIKEVIM CÎHANA XEYALAN
Şêwekar Azad Reşîd destnîşan dike ku her kesê dest bikar yan hunerek bikin rastî astengiyan tê, lê heta niha rastî astengiyan nehatiye di mijara karê xwe de û kesên alîkarî dikin jî pir in. Ew dibêje: “Dema xetan dikişînim pir kêfxweş dibim. Dikevim cîhaneke xeyalan. Her kesê hunereke bike hemû xem û kulên xwe direvin, ji ber ku bi karê xwe re mijûl dibî, ji nava hizir û ramanên te derdikevin û diçin.”

Herî dawî Şêwekar Azad Reşîd bang li ciwanan dike û dibêje; “Bi hêviya her ciwanek an her kesek hunerek yan kêrhatiyek heye girîngî bidinê ji bo pêş ve biçe. Her tişt bi hunerê bedew e, eger huner nebe jiyan jî nîn e.” (Rojnews)